Sialtaang Tuinak leh Saizang ~ Tedim Municipal
Sialtaang tui pen Tedim khuapi bek hilo – Dimlo, Sezang, Takhual, Khuainuai leh Suangpi in zong ne hi.Tedim khua khantohna tawh kizui in, milip ki behlap a hih man in Sialtaang tui bek ki kham zo nawn phalo aa Pawnpi tui zong ki lak beh lai hi.Khauhun paizia tawh kizui in Sialtaang tui zong ni dang zah in hong tam nawnlo hi.
Sialtaang tui mipite lakna nuai ah zato te a tuam in kilak sak hi.Zato pen cina luna ,damlo te ki khoinamun a hihman in tui kicing kei leh thanghuai mahmah hi. Tua hang aa tui a tuam aa kilasak a hi hi.Gamnei Suangpi te’n zong Tedim mipite tuinak su khalo in lui nawl suangkiu pan a phul tui la uh hi.Tua lo khuadang tampi te’n Sialtang tui tuamlak nuam in zumah hong ngenngen uh hi.A kipia nuamlo hi lo aa mailam hun saupi khualna tawh ngaihsut ciang piang thei ngiatlo hi.Teltum melneilo tupigal khat aa te a mawk hamham om thei mahding hi.
Khuakhat pia leng khua dang khat te lung kim lo ding tamlo in a nuai aa late tuitam kei leh tuinak saklam hong puah ding aa singkhauh, suangtum leng thei ding, tua thamlo nuntakna na ngawn mualliam thei ding dinmun ahi hi.Banghang hiam cih leh tuivai ah a lungduai zo kuamah omlo hi.Saizang bek hi lo Dimlo, Sezang, Saimual aa innlam te’n zong Sialtaang tui tuamlak nuam uh hi.Tuamlak sak khin hi leng Tedim khuanu/pa te tui nek ding kicing lo semsem ding hi.
Tua khua tuamtuam te lak ah Saizang khuami te hong ngetna uh en pak leng. hong ngetna uh tawh kizui in စည်ပင်, လမ်းဦးစီ:,မြေစာရင်း leh telcing sinpin committee te tawh ki lakna ding Sialtaang tuinak ki et pih hi.Saizang hausapa’n AD zumpan etcianna nei ding mi 5 bek tavuan hong pia napi ,a tamzaw hong kuan uh a kisai mah uh hiam? a cih te pen tuilam tawh kisai penpen committee hi. Khua deidanna ompeuhmah lo aa bangkhua,bangkhua a hi zong lampi tunglam pan lakding ki phalnawn ngiatlo hi.
Tedim Sialtaang tui pipe nuai ah tui a luang khong om mah hi.A hi zong tua tui luang pen khualzin te khutsil, khesilna hi. Tedim-Kaly Concrete lampi bawlna in zong tua tui mah kizang hi aa tui hamsat mahmah hunlai tak zong Tedim pan mawtaw tawh ki tawi hi.Saizang te tui kilasak leh tua tui hong kang ding hi.Lampi tung pan lakding ki phalo bek hi,Lampi nuai pan lak ding ki phallua hi.Lampi nuai pan zong Saizang khua nop tun mahmah ding hi.
Lampi nuai lam pen Tuuk hun ciang tuitawm a nit theih simloh tui hamsat hun in ciim mahmah hi.Saizang hausapa kiang lampi nuai pan la un zum pan zong a hi thei zah in hong ki panpih ding hi ci’n ki gen hi.Hausapa’n lampi nuai pan lanuam hi le ung no Sipin te kiang hong gen kei nung ko le ko in la nung hong cihsan ziau lel hi.
Khua muhdahna leh minam deidanna cih bang om kilkel lo aa Tedim khuapi mailam kalsuanzia ding leh saupi thukhualna tawh na kisem hi zaw hi. Tedim khuapi pen khua namkim, paunamkim te ki gawm khawm aa ih ten khopna ei mau khuapi ahi hi. A neituam kuamah omlo hi hang.
More: Tedim District leh Tuithang Town vai Minister Pu Pau Lun tawh dotna dawnna
Ngasa ih mat nop leh tui omzia ih theih masak kul hi. Thu leh la khat peuhpeuh ah zong ih comment nop leh thuluanzia tel cian phot ding kisam hi.Mipi a ding nasepna te ah sakhi bang in tatna ding kuamkua bang ih khualkholh kei leh mailam ah buaihuai zawlai ding hi. Tedim Municipal
Comment piaknop aomleh...