Ka Phawkkhak Vilval Kanu Kam – 12

Ka Phawkkhak Vilval Kanu Kam – 12

Ka khualzin ma, inn ah ka om lai-in zingsang in ka nu biakinn pai thungetna ah ka zui thei zel hi. Ka khualzin ciangin mi gam mi lei-ah zingsang biakinn pai-in thunget cih bang hong om thei nawn peuhmah lo hi.

Ka nu ka hopih nitak khat in ka nu in inn pan kapai khiat zawh ka omdan khawng leh biakinn ka tun leh ka tun loh thu khawng hong dong hi. Hatsatna tampi tak kawmkal ah ka damnak leh biakinn pai-in Topa maipha ka zon lam kagen ciangin ka nu hong lungdam mahmah hi.‘Ahi zongin hih lam ah innlam dan in zingsang biakinn pai-in thugen cih bang om thei nawn kei,’ ci-in biakinn thungen ka pai loh lam ka nu ka ko hi.

Tua leh ka nu in, kei ka pai theih loh hangin amah zingsang sim, guahzu-meeikaai nuai khuavot nuai ah biakinn pai-in kei ading thu hong ngetsak denna thu hong gen-a,“hong ciah in, inn ah i nuta in om khawmg in hi le’ng, zingsang khat beek biakinn thungen pai lo-in lupna tung ah ka ut tan vei, lum hit hiat nuam ing,” hong ci hi.
By,

Tg.Pau Khan Kap
March 8, 2015
Columbus, OH