Malaysia, Shah Alam vengsung ah Myanmar gammi khat alawm te’n thatlum

Malaysia, Shah Alam vengsung ah Myanmar gammi khat alawm te’n thatlum

Malaysia, Shah Alam, Section 15 sungah Myanmar gammi khat kithatlum cih NST pan kiza hi. Hih akithatlum Myanmar gammi pen pasal khat hi a, hihpa kithatna vaitawh Myanmar gammi pasal 3 kimankhin cihi.

District police chief Assistant Commissioner Shafien Mamat in agenkhiatna ah tua mithatvai tawh Myanmar gammi 3 tepen zanni Saturday ni in akiman hi a, asi thahlup athuakpa pen kum 24 aphakhin khat cihi.

Thahlup athuakpa leh mat athuak Myanmar gammi tepen Kompleks Automobil, Blok 18 sung aom Flat khatah inn asaapkhawm uh ahihi. Police te tungah nitaklam 5:50pm hunpawl in buaina om cih aki zaksak ciangin Police te’n tuate innsaapna ah delhpah uhhi.

Tua innsung ah mikhatpen khuaphawk nawnlo in aom mupah uh a, alawmte pen kuamah na omnawnlo in, taimang uhhi. Innsung ah silehnai tawh akidimpa pen asawtlo in sihi ci’n Health Authorities te’n genkhia uhhi.

Related: KL khuasung Myanmar Embassy ah lungphona kinei, Kawlgammi teng hawlkhia hen cita

Tuaciang in District Criminal Investigation Department te’n ataimang Myanmar gammi te zongkhiapah uh a, kum 20 gualpawl mi 3 mankhia theipah uhhi. Hih akiman mi 3 te banah adangzong mi 3 bangmah muanmawh ataisim omlaiding hi ci’n thunei te’n genkhia uhhi. Hih Myanmar gammi tepen avek un Factory ah nasem in aom uh kici a, ahi zongin amin apuam uh bangmah ki pulakna omnailo hi. Sawltak #zomidaily