US airstrikes te’n Wednesday ni in Iraq khuapikhat ahi Fallujah City sungah ISIS migilo mi 250 bang kaplumding uhhi ci’n U.S. Defense Official khatin Fox News te kiangah genkhia hi.
Iraq City khuapualam ahi Southern Fallujah ah akikap uh hi cihzong adang U.S. Defense Official khatmah in Fox News te tungah genkhia hi.
ISIS migilo galkap te Southern Fallujah panin gamgi lam ah ataikhiatsawm laitak un US Airstrikes te’n akap uh cih kiza hi.
IS migilo te tamp asihban ah a mawtaw zat uhzong 40 val kapsiatsak uh cih Reuters News te’n pulak uhhi.
Turkey gamsung aom Istanbul Airport ah migilo te’n Suicide Bomb sukham uh a, mi 42 takin sihlawh uhhi. Tua buain apiankhitzawh nai 24 khitkhawng ciangin U.S Airstrikes te’n Iraq gamsung akapgawp uh ahihi.
Istanbul Airport buaina vaitawh kisai Turkish President Recep Tayyip Erdogan pazong hehmahmah a, hih migilo te adiakdiak in Kurdish Rebels te leh ISIS te nasiatak in kagam un ka lehzawhkikding uhhi c’n Wednesday ni in genkhia hi. Istanbul Airport ah Bomb asukham tepen Muslims zong hilo uh a, amau adingin Hell khuk akibawlsa in omding hi cihsan hi. ZD Sawltak #zomidaily
Comment piaknop aomleh...