Numei lapsangna ah a ngaihsut huai thu (What is feminism?)

Numei lapsangna ah a ngaihsut huai thu (What is feminism?)

Anu (female) le apa (male) te tanbang kikim hi cihna hi. It is the belief in the fundamental equality of the sexes. Pianpih numei hihna le pasal hihna tawh kisaite lo buangah numei le pasal pen mun khempeuh ah liangko kikim hi cih thu ahi hi. Except for the biological differences of the sexes, men and women shoud be regarded as equal in every way. A manphatna kikim, ahih theihna uh kikim, a kibangin suahtakna kici ‘right’ nei tuak uh hi. Mipi lakah a kibangin gamta thei, gam thu tawh kisai le biakna thu tawh kisai thu le la, mun khempeuh ah kilamdanna (distinctions) om lo-in pasal le numei in a kibangin akhuan-azi (opportunities) ngah thei tuak uh hi cih bulphuhna thu pen Feminism kici hi.

Hih laimun ah kilamdanna (distinct role) pen kideidanna (discrimination role) in ngaihsun kha uh cih ding hi. Tua ahih manin anu le apa (gender) tawh kisai kilamdanna panmun khempeuh bei khia-in nupa kikal (between husband and wife) nangawn ah lutang le pumpi ahi ukpa le huhnu hihna thute zong a beimang kul ta hi cih thuhilhna ahi hi. Hih bangin numei le pasal liangko kikim ta hi cih bulphuh nopna pen numei lapsangna feminism ii lungtup pi ahi hi. All role distinctions based on gender, especialy relationship of authority and submission must be abolished. Numei lapsangna feminism ii lungtup pen ahih leh liangko kikim cih thu bulphuhna tungtawnin Pasian seh pasal panmun le numei panmun (roles) te a tuam tuakin om nawn lo-in kikhek thei lel, kizangtaang thei lel hi. Numei zong lutang hi thei lel hi cih thu suahna ahi hi.

Feminism kici numei lapsang khialhna in liangko kikimsakna tawh Pasian’ seh a kibang lo numei le pasal’ panmun tuamte suphiatin, mitsak beisak ding cih thu a tangko hi mawk hi. Ahi zongin LST in a gen liangko kikimna pen tua bangin kiphiat-in beimangsakna tawh kikim hi zenzen lo hi. Paul in ahong gen thu-in liangko kikimsa a ahong kipiangsak numei le pasal in a panmun tuak puak siam hen cih thu ong hilh zaw hi. LST Pasian’ kammal in numei in a kiseh panmun a zuihna le pasal in a kiseh panmun a puakna tawh a cidam liangko kikimna bucing a piang thei pan zaw ahihna Thuciamthak sungah nakpi takin hong hilh hi.

LST in hong hilh thu le mihingte ih kilapsang tawmnopna thute kilehbulh tawntung hi. Numei lamsang nuam luate in numei le pasal cih om lo-in ih vekin lutang hi thei hang cih thu ahilhna uh tungtawnin numeite zong lutang a guatna thu uh tawh numeite paikhialhna ding thu a hilh uh ahi hi. Hotkhiatna thu tawh kisai le leitung hamphat theihna khempeuh ah numei le pasal kideidanna (discrimination) a om loh ding pen a thumaan hi mah hi. Numei le pasal in tanbangkimna a ngah ding uh le a kizawhthawhna uh pan’n numeite ih suahtakpih ding pen a kisam thu khat hi mah hi. Ahi zongin piansakna tawh kisai Pasian seh ahi pasal lutang hihna le numei huhnu hihnate nangawn beisaka, tua panin suakta-in liangko kikimna cih thu pen numei lapsangna feminism ii lungtup ahih manin tua pen paikhialhna ahi hi.

Numeite lutang hi thei lo ding hi. Pasalte bek lutang ahi hi, cih thu pen Pasian seh hi a, numeite a kideidanna thu hi laizang lo hi. Tuiphum upna ka zui hi na cih leh numei taktak ordination piak ding pen na ngaihsun pha mahmah inla, Lai Siangtho’ hong thuhilhna thu zui zaw in. Numei ordination kipiasa pawlpi ih om leh zakdah ding hi lo a, khatvei kipuahpha a, khangthak ah tua bang lutang munte ah numei lutang dingin koihna tawh ih mihing hihna, ih thu upna ih bungbu om sak nawn loh ding kipuahpha ding hi hang.

Suang Dal