Malaysia, Serdang vengsung ah mawtaw 6 tak kiphugawp in mi 2 in sihlawh

Malaysia, Serdang vengsung ah mawtaw 6 tak kiphugawp in mi 2 in sihlawh

Malaysia, Serdang KTM Station gei ah Saturday nitaklam in Accident huaisia mahmahkhat piangin mi 2 in sihlawh cih theStar pan kiza hi. Serdang vengsung Besraya Highway tungah mawtaw akigawm in 6 tak ki phulkhagawp cihi.

Kumpi thunei Acting Serdang OCPD Supt Mohd Rosdi Daud in agenkhiatna ah Saturday nitaklam 6:30pm hunpawl in tuahsiatna apiang cihi.

Mawtaw golpi Lorry Driver khat Kuala Lumpur khuasunglam zuanin apailaitak ama totna lampi tungah mawtaw khat lutpheivat ahih manin aki hepna panin lenkip zolo, Lost Control ahih manin tuahsiatna akipan cihi.

Lorry apeitaalgawp in kibungsuk a, lamzikpi alaizang agi akikhenna Road Divider nawkphei hi. Tuakhit ciangin Motorcycle khat nawkphei in, tuakhit ciangin adang mawtaw 3 leh Cement Mixer mawtaw khatzong nawkpheisuak leuleu hi.

Tualak ah Motorcyle atuanglaitak papen sipah cihi. Motorcyclist papen kum 77 aphakhin khat ahihi.

Video: Two killed in six-vehicle accident near Serdang KTM station

Adang kum 32 aphakhin mawtaw ahawl khatpa zong liamgawp in, Serdang Hospital ah kipuakpah himahleh aliamma tengtawh zato panin siveve hi.

Hih tuahsiatna apianlaitak in guahzulo a, lamzikpi Traffic zong bangmah nawngkaina aom hilo cihi. Tua ahih manin hih tuahsiatna pen zulhtat in mawtaw hawlna “Reckless Driving” hangin Accident apiang hi ci’n thunei te’n ciamteh uhhi.

Related: Malaysia, Serdang ah akithat Kawlgammi 5 te vaitawh muanmawh mi 15 kimanta

Ageinai ah amukha khuasung mipi te sungpan inzong pawlkhat in athu ala apianzia te palik thunei te tungah genkhia in, hoihtak athu ki kancianding cih kiza hi. Sawltak #zomidaily