Thuthak Tomkimcing 16 Sep 2014

Thuthak Tomkimcing 16 Sep 2014

A. Pu Hung Ngai Shield, a ngahzo kidemna omding.

Hongtung ding 2014 Oct 10-13 ni hunsung in State leh Region Kalati kitupna Hakha khuapi ah kibawl ding hi. Tua mun ah Chin State CM Pu Hung Ngai Shield ngah zo ding Kalati kitupna nei ding uhhi. Myanmar gambup Kalati kipawlna phualpi pan in Zinglam 7:00-9:00am, Nitaklam 4:00-6:00pm hunsung Yangon khuapi kisin na omsak den uh hi cih kizahi.

B. Border Area Development Project Tualpi

Champhai ( Tonsim) Bethel veng Zomi tamtak teen na mun ah kimawlna tualpi ding in KhelMual ziik tamm uh a, Bethel veng Hausa Pu LaL Sangrula in mapan pih mahmah hi. BADP 2013-2014 kum hunsung Rs 30 lakh kiimbei in bawl uhi. Khelmual pen adung Metre 120 sau hi in Metre 100 huamsung tukpeeng kimawl na ding gel uh a, adang mun teng volleyball court leh basketball court ding in zat sawm uh cihi.

C. Galhiam tawilo, Uniform silh theilo ding.

Myanmar kumpi galkap Myawady om te in KNU/KNLA Peace Council leh KKO te galhiam Thau tawi lo ding, Uniform silh lo ding in 2014 Sep 14 in thu pia uhhi. PC pan in Colonel Tiger in hibang in thu kipiak ciangtan hun omlo pen kisang zolo hi cih gen khia hi. KKO Thusapi leh NCCT pawlmi Saw Lung Lung in hibang dong cilgiltak in thu kikupna Myanmar kumpi tawh kikupna kineilo cih san hi. Hih vai tawh kipawl in 2014 Sep 22 ciang in NCCT leh UPWC kimuh kik hun ah kikupna om thei ding cihi.

D. ISIS te’n Iraq numei amat te uh zuak

ISIS gilo mite in Iraq gam sungah Yazidi minam amat uh numei te 1500 pan 4000 kikal pha ding in ki um mawh a, tu in pawl khat zuak uh cihi. Kum 12 pan 17 kikal teng zi ding in la uh a, isis biakna suak sak uh cihi. Pawlkhat te $ 25 ciang bang in ui ,vok, ak zuak bang in zuak uh cihi. A innkuan pih anei lai te in acihzahzah in tan kik uhhi.

E. Ngabeeng te’n nikhat daak 20 sung nasemsak.

Gamdang pai ding Lengthei tui bawlna setyung ah nasem ding in akizawl khia Ko Mawthi kici min nei kum 21 khat Thai gam atunciang in sum neilo in Thai Ngabeeng te kipuak kha a, nikhat in daak 20 hun sung nasem in nasep thaman ngah vet lo hi. Amah Ko Mawthi tawh apai khawm alawm te mi 12 te zong Agent te in ngabeeng te kiang ah puak in mi khat ciang in $430 zuak uh cihi.

Ko Mawthi in kha 9 sung tuipi tung ah nasem in aom khit nikhat ni in Thai gam Bangkok khuapi khanglam Patatyaa khua neh kiim lam ngabeeng in Tembaw kihei hun om kha ahih man in damlo kineih in om hi. Tua leh Ngabeeng makai te in Clinic kilak pak ding sawl uh a, tuipi piauzang ah apaikhia sak na pan in taisuak in Pataayaa khua Phungyii sang bel ving venghi. Tua pan in CNN thu kan te tung ah ahamsat na teng im khia hi. Hau Thang