Jakhai Muslim migilo te Bangladesh gamah Bomb leh Galhiam pawlkhat tawh kiman ~ Zomi Post

October 30/2016
Bangladesh gam a,Tapong gamnuaimi namkhat ahi,Harkat-ul Jihad al-Islami Bangladesh (HujiB) pawlte,mihing 4 pen October 28 ni,meeting a bawl laitakun Bangladesh thunei te’n a galvan kepteng uh tawh naman uh a,tua mi 4 sungah Jakhai pan hong kilehkik migilote zongh na kihel uhhi ci’n Dhaka Tribune pan nataangko khia uhhi.

Hih mi 4 te’n Bomb bawlna tawh kisai electric van,temta leh galdo dan kihilhna laibu zongh nakeem uhhi.

Mi 2 pen Engineer sang mankhinsa hi uh in,Bomb bawldan siam mahmah mi ahi uhhi.

Harkat-ul Jihad al-Islami Bangladesh (HuJIB)te pen 1992 kum a,a phuatkhiatuh Muslim biakna kipawlna khat hi’n,Bangladesh gamsungah mi a thatlupna hang uhtawh kumpi’n 2005 kum a kipan tapong in na ciapteh uhhi. DHAKA TRIBUNE

Zomi Post