ZAM Thupuak :: 02 August 2015

Malaysia UNHCR Representative leh Kipawlna Makaite kimuh khopna

July 28, 2015 ni zingsang nai 9:30 pan 12:30pm ciang UNHCR Conference hall ah UN uliante leh kipawlna makaite kimuh khopna kinei hi. Hih kimuh khopna sungah UNHCR Departments tuamtuam ahi REG, RST, CDU, EDU, IAD leh OPI te pan uliante hong kihel uh hi. Hih kimuh khopna sungah department kimpan updates tuamtuam hong gen uh hi.

Abeisa kum 7 lai in UN minsanna ngah mimal tul 40 val hi in tun 153,000 hong phato ta hi. Mimal tul 10-15 in minsanna ding ngak in om in, mimal tul 11 bangin appointment ngah khinsa a ngak ahi uh hi. Mimal tul 7-9 kikal thonginn sungah om uh hi. Ni khat in mimal 60 bang minsan kizo thei in, email 1000 bang kingah den hi. Malaysia gam sung a om gambeel mite pen gam 52 pan hi in, gambeel 153,000 lakah 93% pen Kawlgam pan ahi hi.

UNHCR in a nasepzia uh a dan hong khel ta ding a, Recalibration Process cih tawh hong kipan ta ding uh hi. Recalibration cih a deihna pen nidanga nasep zia tawh a kibang lo deuh in nasepzia khat hong kheel dinga, a huam sung zong toisak zawdeuh ding cihna hi. Bang hangin Recalibration Process tawh UNHCR in na hong sem ding hiam?

1. Munpi a ten Malaysia a om UNHCR in gam tuam-tuam 52 pan a Refugee lakna khiam in a huang toisak ding leh huut leh panpih akisam phadiakte bek panpih dingin thupia hi.
2. UNHCR pen Refugee minkhumna hitaleh Kawlgam pan Refugee lakna ah hitaleh kipawlna liante tungah kinga lua ahihmanin UN paizia sungah kikhemna leh a meetdawhna tam tuam mahmah ahihlam kimu khia hi.
3. UNHCR nasepna pen huhna sum om zah leh ngah zah tungah kinga ahihman in haksatna tampi phu kha hi.

A tunga thu thumte hangin Recalibration Process tawh UNHCR in na asem ding hi ta hi. UNHCR in Recalibration Process tawh na hong sem in hileh mailamah munpi pan sum hong paite tam in tawm taleh huh leh huut ding a kisam phadiakte kician takin huhna panpihna pia thei ding uh hi.

UNHCR i sep phadiak teng in thongkiate honkia, appointment neisate leh asung apua panin NGO tuamtuam panin a ki refer te sem phadiak uh hi.

Tukum ading in mimal 6500 gam thumna paithei ding a adang te pen Malaysia gam sungah hamsa pipi in nuntak kul lai ding ci uh hi.

Leitung bup ah refugee bekbek 60 millions val om in tua lakah 0.01 bek gam thumna tung uh hi ci hi. Malaysia ading in refugee buppi i 5% gam thumna tungin tuate lak ah ahonhon a namneute sungpan tampen hi ci uh hi.

OPI panin refugee buppi i 8% pen mat le hen thuak ci uh hi. Kum simin OPI ulian mi 16 in camp tuamtuam ah 273 vei vahawh in mimal 7440 honkhia thei uh hi.

Tukum July 20 ni camp tuamtuam 202 ah vazin thei in mimal 440 honkhia thei khin uh hi. Kha khat in mimal tul val kiman in mimal 500 val pen kumpi thu neite mat ahi uh hi. Phone tawh gensak bekbek pen mimal 5500 val hi ci uh hi.

UN card tuh zatvetloh ding zong hong lim vaikhak mahmah uh hi. Adiakdiak in Sogo kimteng, Kota Raya, Wangsa Maju, Gombak, Ampang leh Selayang teng vak loh ding cih thu zong hong gen beh uh hi.

IAD panin Insurance lei hamtang ding hong hanthawn pha mahmah uh hi.

Khuahun siatna thuak Zomi te huhna ding zotna

Guahtui tam luatna hangin tui khangin zanggam ah i tenna innte tui in tuum a, Zogam ah mencim in innte kisia ahih manin mimal tampi takin belh ding innlum nei nawnlo uh hi. Tui tam luat manin kizopna lampi leh lei kisia a nisim ki sap an le tui vanman nak khang mahmah hi.

I gam le minam in tuipi galkai khuahun siatna a thuak khalo Malaysia a om Zomi te kiang pan huhna kisam hi. Pasian nasem Pastor te leh thu-um mi khempeuh in i gam le minamte a ding thu ngetsak ni. I minamte a ding a kisam vante i huh zawh zahtek tawh huhna pia in mapang tek ni. Khua kipawlna, Pawlpi leh mimal in hanciam in ih panpih zawhna ding ZAM zumpi panin kong zawn uh hi. Sum le pai tawh panpih in Pasian kiangah thu ngetsakin haksatnate a phuut zawhna dingun i mapan theihna tawh tha le zung, sum le pai siitlo in na sem ni.

Mun tuamtuam a om tuipi galkaisa Zomi ten zong amau omna mun ciat panin amau hih theihna ciang tawh panpih dingin ki thapia ziahziah khinta uh hi.

Panpihna atawm atam cilo in a piazo ding khempeuh in ZAM zumah kipia thei hi. August 31 ni ciang ki sang ding hi.

Guahtamluatna hang a Zogam sung kisiatnate

⦁ Taingen – Aicik kikal pi 60 asau, pi 20 kim asang phuung kicim in mawtaw pai theilo.
⦁ Suangpi Lamka – Sozang kikal lampi kiasuk, mawtaw pai theilo.
⦁ Dolluang leh Inchinkhong kikal pi 210 asau lei tui in tai.
⦁ Phunom – Thangnuai kikal Hangtai lui pi 30×9 asau lei tui in tai.
⦁ Takhual – Sozang kikal tuinak kisia, lampi kivuk cip mawtaw pai theilo.
⦁ Khuasak – Thuklai tuipi lui lei niam kiat suk, kicim dek tak.
⦁ Kahgen – Haupi kikal Kelmai lui leipi 30×10 tui in tai.
⦁ Kahgen khua laizang lei khaang gawp, kiteng ngam nawn lo.
⦁ Kahgen khualui – Khuathak kikal kikawmna leipi 20×6 asau kisia mang.
⦁ Pimpih – Khaikam kikal leipi 80×6 asau tui in tai.
⦁ Laibung – Akluai kikal – Kuai lui kikal lei huih leh guah hangin sawi gawp kipai theilo.
⦁ Teklui – Thangzang kikal leipi tui in tai.
⦁ Laibung khua, Kuailui gei a om inn 2 tui in tai.
(Phawkkhak loh omlai ding hi) Source : Tedim – July 30

August 2 ni Zomi League honpawi kibawl ding

Malaysia gam sung a om Zomi te Pawlpi tuamtuam ki lawmtatna Zomi League August 2 ni sunin nasia takin kibawl ding hi. Anuai a team teng pen maikal a kimawl ding Pawlpi te ahi hi.

Tukaal sung ZAM palaai te buaipih diak teng

Ciah ding Embassy ah buaipih teng:

Kham Deih Pau (Sakhankyi), Embassy ah,
Sang Bik (Tai 9), Embassy ah,
Gin Sawm Tung (Laaitui), Embassy ah,

Mat le hen lam buaipih teng:

Cin Suan Khup (Mauvom), Tun Kim Sing (Mauvom), Thang Sawm Tang (Ngalbual), Cing Sian Mung (Tedim), SS2 Seapak pan 29 July in suakta thei.
Man Lam Cing (Lingthuk), Tual Suan Pau (Saipimual), Dangwangi palik zum pan kitan khia thei.
Mang Mang (Phaiza) Sri Petaling palik zum pan suak ta thei.
Ciang Khawl Lun (Sawbua), Hau Lam Cin (Pyidawtha), Kap Neih Sang (Pyidawtha), Zam Sian Tul Uk (Saipimual), Langh Lian Mang (Mualbeem),Za Tuang (Lailui), Sut Sian Thang (Haupi), Lian Sian Piang (Tuipi), Go Suan Tung (Tuipi), a kibuaipih lai tak uh hi.

Damlo vai buaipih teng:

Langh Za Mung (Zozaang) Klang Hospital ah,
Lian San Mang (Lailo) Serdang zato ah,
Lian San Don (Laaitui) Ampang zato ah,
Neng Khan Thawn (Kawlpi) Pudu ah,
Dim Ngaih Khawm ACTS ah,
Mang Nuam (Laaitui) Ampang zato ah,
Cing Huai Lian (Kawlpi) MCH ah,
Gin Lam Thang (Thalmual) HUKM zato ah,
Zo Sian Ngai (Thalmual) HUKM zato ah,
Huaipi (Phaileng) HUKM zato ah,
Thang Sawm Mung (Tuithang) Sungai Buloh zato ah, Kam Ngaih Huai (Heilei) Ampang/Pudu zato ah,
Thang Sian Khual (Pyidawtha) Sungai Buloh zato ah,
Niang Ho Nuam (Tuimang) HUKM ah,
Thang Sawm Mung (Tuithang) Sungai Buloh zato ah,
Nang Biak Lian (Zozaang) HUKM zato ah,
No No (Singunau) UN ah buaipih,
Vung Mun Khai (Tuitum) JPN ah ki buaipih hi.

ZAM Hall ki kawmthei

ZAM Hall pen Session khat (nai 4 sung) RM200 kila ding a, nai 4 khitciang zatbehtoh nopleh naikhat RM50 ki lading hi. Aki zangthei vanteng: Aircon, Tutphah 150, Sound System, Drum Set 1, Wired Mic 1, Wireless Mic 2, Usher Counter etc…

Pawlpi leh Khua kipawlna President te ading ZAM card free hunbeita

Abeisa July kha sung bup Pawlpi leh khua kipawlna President te ZAM card free a bawlsakna pen kha khat sung ci a ih pulaksa mah bang in ahun hong beita hi.

2015 KHUADO Pawipi bawlna ding zotna

Kumsim a Malaysia a om Zomi te’n i bawl den i ngeina KHUADO pawi bawlna ding vai 31 July 2015 ni-in ZAM zumpi ah kikup khopna ki nei-in vai hong vanpih/buaipih dingin a nuai a bangin Main Committee kiseh hi.

Ani : 15 October 2015
Amun : Chinwoo Stadium mah
Lutangpi : Rev. Thawng Ngaih Khup
Lutangpi huh : Rev. Gin Do Khup
Thuvanpi : Hau Suan Khai
Thuvanpi huh : Rev. Thang Do Khen
Sumkem : Sia Khoi Sian Tuang
Sumkem huh : Pa Thang Za Khai
Sazian len : Sia Kam Lian Mung
Sazian len huh : Sia Thaa Mung
Zolia & Zotaang : Siama Deih Mang &
Joseph Mangsen
Zomi Idol : Deih Mang leh Zomi lasiamte
Sub-committee te leh adang vaihawmna dangte ahun zui in hong ki taangko toto lai ding hi.

Biakinn Honpawi Sapna

ZCF – Bukit Tinggi Pawlpi in Pasian hong piak Biakinn thak konghon pawi anuai a geelna bangin nei ding ka hih manun akua maciat in nong uap theihna dingun zahtakna lianpi leh Zeisu min tawh kong zawn uh hi.

Amun : ZCF – Bukit Tinggi
No. 66-2, 2nd Floor,
Lorong Batu Nilam 4B,
Bandar Bukit Tinggi, Klang 41200
Ani : 09 August 2015
Ahun : 12pm
Kizopna ding : Sia Mung 017 608 5767
Pa Khual 017 249 3385

ZAM pandahpihna

Phaaikhua a teng, Taakkhawl khuami, Pa Tun Khua Pau leh Nu Ngiak Khan Khua Huai te tanu/pa 4 lakpan Tg. Zam Khan Suan (Kum 35) in lamet loh kawmkal in Sultanah Aminah Jaho Bahru zatopi pan in 28/7/2015 ni in Topa kiang hong ciahsan hi. Sanggampa Tg. Suanpui in hong nusiat ciangin Zomi te zumpi ZAM-ZSM panin JB ah asun azan in ki delh vingveng aa, sanggampa luanghawm ki phamin zumkong mangkong tampi kantan in Selangor State, Sepang hanmual ah 30/7/2015 ni in lungkim huaitak in kivui thei hi. Sanggampa Tg. Suanpui hangin lungzuang khuangai, adah akap khempeuh tawh kibangin ZAM-ZSM zumpi panin ih dah khawm hi. Topa hehnepna thak hong omta hen.

ZAM ah ngeina puan leh vante hong tungthak

ZAM zumpi ah ih ngeina Zopuan leh vante ki leithei hi. Aki ngahthei van te: Zopuan: a bantawng leh a bansau (pasal), Zoniik nam tuamtuam, Puandum, Zodial naikhau (silk), Puanlaisan, Zokhi, Tanghciin, Khephiau, Zolukhu, Zothungkuah, Zodial atuamtuam kingah hi.

Lungdamkohna

⦁ Zomi Christian Fellowship (Bukit Tinggi) in ZAM ading RM100 hong pia ahih manin ki lungdam mahmah hi.
⦁ Thang Sawm Mang (Tuitawh) in ZAM ading RM20 hong pia ahih manin ki lungdam mahmah hi.
⦁ Go Khup (Tedim) ZAM tungah lungdamkohna in RM50 hong pia ahih manin ki lungdam mahmah hi.

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…