Sen leh US kikal vai ~ Pu Thangboi

Sen leh US kikal vai ~ Pu Thangboi

Sen te’n US adelhdelh ban ah a simdem gige lam ih theihsa ciat hi. Sen leh US kido taktak leh cih ka ngaihsut khak sial in ka lungsim sungah thu 2 hongsuak den hi.

1. Thant Myint U’ thugen

Kawl mipil mahmah Thant Myint U in alaibu sung khat (tua laibu thong sung a kasim hi in amin mangngilh ta ing) ah agenna ah Sen gam sung tuipi tawn in lut theihna South China Sea (SCS) bek om hi ci. Straits of Malacca (မလကၠာေရလက္ႀကား) nawkphot kullai ci. Hih straits of Malacca kuam ah mun khatkhat tui maitang zaina tai 1 khawng bek pha hi ci. Tua ahih man in azenzen in Sen leh gam khatpeuh kido hileh akidopih te’n tua tai 1 khawng bek aphakna mun hucip ziau leh Sen nakthei nawnlo ding hi ci.

Sen gam ah namgim tui pianglo hi. Namgim tui khempeuh middle east pan alak ahi hi. Atung a Than Myint U i gen Sente’ thanemna pen amau leh amau zong kithei lua uh hi. Tua hang a Zakhai gam Kyaukphyu dong ah tai 500 val pipe khung in namgim ahuup uh ahi hi. SCS tuipi tot theihlohna khat nei leh Zakhai gam pan namgim supply ngahthei veve ding cih ngimna hi. Zakhai galkap AA te hihzah a ong hatna uh zong hih Sen te’ project lianpi hang ahi hi.

2. American Khat In Hong Gen Thu

2008 kum ZNC party min tawh Yangon a om American Center ah nainganzi thu sin in sang kakah lai in ka Siapa khat i hong thugen ka mangngilh theikei hi. Ama’n hong genna ah: “US gam ih cih pen tuipi lian mahmah Ocean 2 in a umcih ahi hi. US nong simnop uh leh tua tuipi liante na kantan phot uh kulding hi. Abaih diam?”. Hongci ngei hi.

Ocean kantan a galsim ding bel baihpak in ka umkei hi. Sente’n zong tu laitak a adinmun uh tawh gal simngam in ka umkei hi. Gam lian khat tawh kido kha leh gawtnop lua in ka um hi.

Aizong amau zong hamciam mahmah uh aih teh nikhat niteh hong lauhuai veve un ka um hi. Genkhialh aom leh ngaidam, Lungdam, Mung Laan Thang (Tonzang, Zogam)

Teizang LST bu vai

Teizang kahih hang Teizang LST bu atuam in kisam sakeng. Bang hang hiam cih leh;

• 1. Teizang kampau te’n Tedim LST tellahna ding om peuhmah kei
• 2. 1977 kum pan tuni dong Tedim LST ih tawina hang in ih sup ih baina om kei.
• 3. Tedim atuam Teizang atuam hi peuhmah kei.

4. Kam Hau pen Teizang ahih teh Kam Hau’ gam sungteng ah Teizangte a inntek mahmah ding hi a, innluah ding ahih man in inn tuankhiat kullo hi. (Tedim pau pen Kam Hau dialect akicih zawzen khawng phawk huai)

5. Pu Kap Khen Pau in Zomi Post Media tawh interview na ah kamlet ding pen amah mah cilai mawk hi. Teizang sung ah Laisiangtho thukkan (theologian) tam mahmah aih teh khat le nih beek kuppih phot sam henla committee tawh thu vaihawm leh ka awi mahmah hi.

6. Teizang LST bu atuam in ih neihloh sang nei leng ih supna tamzaw tham in ka um hi.

7. Teizang LST bu atuam in neikhin le hang Zomi’ husa kiamtuam mahmah ding hi (Tua ding deihna a kibawl sawm ngiat zong hithei inteh) Genkhialh aom leh ngaidam, Gennop Tampi Tawh, Mung Laan Thang (Tonzang, Zogam)