Spider-Man puantawh Selfie akizaih laitak inntungpan kia in si

Spider-Man puantawh Selfie akizaih laitak inntungpan kia in si

Taiwan gamsung ah Malaysian gammi sangnaupang khat inntung panin kiasuk in si hi. Tuapa pen Spider-Man puan silhsa in, inntung panin akiasuk ahihi. Alawm agual leh sangsia “Lecturer” te genna ah amahpen puantuamtuam asilhnuam “Cosplay Fan” khat ci uhhi.

Apple Daily te pulakna ah tuapa pen amin Lee Yang Hao kici a, kum 29 aphakhin khat ahihi. Sanginn Classroom sungahzong puantuamtuam asilhthei khat hi a, Cosplay pen ama ukna “Hobby” khat ahihlam zong alawm agual te’n theihpih uhhi.

Taiwan’s Central News Agency te genkhiatna ah hihpa pen Changhua county’s Da-Yeh University ah sang akah ahihi. Wednesday zanlam in asangkahna Dormitory apualam ah asisa in kimu cihi.

Athu akikan ciangin inntung dawl 5 na panin akiasuk hiding hi ci’n Agency te’n genkhia uhhi.

A sangkahpih alawmte khatin agenna ah hihpa pen Taiwan gamsung atunzawh abeisa kum 4 hunpawl akipan Spider-Man kineih hong ukmahmah cihi. Sang akah kawmkawm in “Zhu Zhu Tuan” ahih keileh “Spider Troupe” akici Cosplay Group tetawh kikhawl Spider-Man bangdan in kizem in Stunt tuamtuam bawlthei uh cihi.

Video: Malaysian falls to his death while taking selfies dressed as Spidey

Malaysia gamsung ah aomlaitak in Spider-Man cihbang a uk hetlokhat hi a, Football ukzaw in, Liverpool te tha apia mahmahkhat cihi. Ahi zongin Taiwan gamsung ah University sangkahding in atunzawh Spider-Man puansilh uk in, Cosplay Group tetawh kikhawl cihi.

Taiwan Police te genna ah hihpa pen akiatsukna inndawl 5 na ii Balcony ah Selfie akizaih hiding a, tuapan in akiasukkha hiding ci uhhi. Tua akiatna Balcony ahzong amazat Cellphone leh Video zaihna Camera Stand zong kimu cihi.

More: Selfie kizaihna hangin US$200,000 manneiding Artworks honkhat phutukkha

Da-Yeh University panin Malaysia gamsung aom a innkuanpih te kizasak a, Taiwan ah apaitheih nadingin ki vaihawmsak cih kiza hi. Selfie zaihna hangin asihlawh hihtuak mawk hi. Selfie kizaihna hangin asihlawh, aliamlawh pen leitung gamtuamtuam pan kiza zelzel hi. Sawltak #zomidaily