Sahang te nekding in ahingtang in aki khiasuk lano phawkna mualsuang kibawlsak

Sahang te nekding in ahingtang in aki khiasuk lano phawkna mualsuang kibawlsak

Abeisa June khasung in Eastern China gamsung aom ganhing khawina “Zoo” khatah lano “Donkey” pen sahang te nekding in ahingtang in kikhiatsuk ahih manin kimawhsak mahmah cih Telegraph pan kiza hi.

Jiangsu Province sung aom Changzhou khuasung ah thupiang hi a, tua lano akhiasuk pen ganhing khawina ah sumzian apiakhia “Zoo Investor” te ki khutzat pasal pawlkhat in akhiatsuk uh cihi.

Tua aki khiasuk lano pen hehpihhuai kisa mahmah in, phawkna mualsuang khatzong Jiangsu Province sung aom Yancheng Safari Park ah kibawlsakta cihi. Tua mualsuang pen “Donkey’s Monument” ci’n min kivawh hi.

Tua mualsuang tungah Donkey ii tangthu, banghang in sanghang te nekding in ahingtang ki khiatsuk cihte akipan English leh Mandarin namnih in kigelh dimdiam hi.

Video: live donkey fed to tigers in Chinese zoo

Abeisa June khasung in hih lano akikoihna Zoo panin summet aommelloh ciangin Zoo Investor te hehgawpmawk uh a, ganhing teng apualam ah zuakding in puakkhiatsawm uh cihi.

Tuaciang in Security te’n apuakkhiatding phallo in kongkhak ah nakhamcip ahih manin, puakkhiattheihloh veve ci’n sahang te nekding in ahingtang in akhiatsuk uh hi a, amukha khempeuh in ki mulkim mahmah hi.

Hihbang in lano ahinglai sahang te nekding in akikhiatsuk pen cikziat huai kisa mahmah in, China Social Media khat ahi Sina Weibo tungah “Why are humans always worse than animals” ci’n gelhkhia hi.

More: China Zoo sung sahang te omna munah lano khat ahingtang in ki khiatsuk

Keel “Goat” khatzong sahang te nekding in akhiatsawm uh hi a, ahi zongin Zoo sungah aen in aom Visitors te leh Security te’n nakhamcip in nalenman ahih manin aki khiasuklo ahihi. Sawltak #zomidaily