Bangkok Airport ah Security Officer khatin sum aguksak laitak CCTV pan kimu

Bangkok Airport ah Security Officer khatin sum aguksak laitak CCTV pan kimu

Thailand, Bangkok khuapi aom Suvarnabhumi Airport ah Security Officer khatin X-ray Machine aki nawkphei sakding Bag sungpanin sum aguk laitak kimu ahih manin kiman cih The Nation pan kiza hi. Tua Security Officer asempa in American Tourist khat ii Bag sungpanin Bt6,000 (S$252) sawksimsak ahih manin Tuesday ni in akiman ahihi.

Tua Security Officer asempa pen amin Thanat Monthonrat kici a, kum 25 aphakhin khat ahihi. Private Firm khatah Security Officer asem hi a, Tuesday nitaklam 6:30pm hunin akimankhia ahihi.

Kum 89 aphakhin ahi American Tourist khatin Airport sungah avanteng X-ray Machine ah aki Scan khit ciangin asum pawlkhat omlo hi ci’n Patrol Security Officers te agenkhiat ciangin hihvai aki kankhia ahihi.

American Tourist inzong a Bag teng Scan akibawlkhit asawtlo in Security Team te kiangah Report bawlpah hi. Security Team te’nzong American Tourist ii avan Scan abawlsakpa zongpheipah uh a, tuapa pen anasepna ah omlai in, X-ray Machine ah asepsep laitak ahihi.

Amasa in American Tourist ii vansungpan sum ka guksak kei hi ci’n nialnial masa hi. Ahi zongin CCTV sungpanin asum guksaklam kimukhia ahih manin, tuaciangin nialthei nawnlo in akimansuak ahihi.

Tua Security Officer papen anasepzawh khakhatzong cingnailo a, anasep hamsa salua ahih manin, aomna khua ah ciahnuamlua a, sum kisam ahih manin, aguksak kici hi.

Airport Deputy Director asemlaitak ahi Kittipong Kittikhchorn inzong tua Security Officer apuak ahi Private Security Firm thuneite zasak in, nasemding nateelkhiat uhciangin hoihtak teelcian un ci’n zasak hi.

More: Bangkok meileng Station ah Selfie akizaihsawm mi 2 meileng in nawkkha, numeikhat akhe kitan

Airport Deputy Director in agenbehna ah hih vanlengtual sungah Airport’s Security akizangpen International Standards tawh kituak in akisem hi a, hih buaina pen mimalvai hi ci’n genkhia hi. Tua American Tourist pen avai asianma in vanleng tawh alenkhiat kul ahih manin, asumte pen ki damkhakding cih kiza hi. Bitna apiading, amuanhuaiding tezong Secure zonawnlo uhhi. Sawltak #zomidaily