Philippines President Duterte in agamsung ah siah (Tax) hoihtak apialo te thatding cihgiap leuleu hi. Mimal ahi zongin Company ahi zongin kumpi tungah siah hoihtak pia un, na piakkei ngeingei uhleh hong thatding hi’ng ci’n Monday ni in genkhia cihi. “You sons of bitches, pay up. If not, I will kill you.”
Tax napiakzahding uh mantak in pia un, banghanghiam cihleh tua napiak Tax uhtawh kumpi in ihgam adingin nahoih akisemzo panhi ci’n genbeh hi.
Philippine International Convention Center ahzong Tax hoihtak in apia tangtang Company honkhat tawh kimuhkhopna nei uh a, Philippines Business Leaders te tungah “ihgamsung kei makaih hunsung, kum 8 Term sungin golhguk nekna Corruption peuhah omsak loding hi’ng” ci’n genkhia hi.
Philippines President Duterte pen akhauhpai giapgiap khat hi a, agamsung ah President angah khitzawh akipan guihtheih khamtheih azangteng siansuah giapgiap hi.
Tu’nzong agamsung ah sumbawl mimal ahi zongin Companay ahi zongin Tax hoihtak apialo te kong thatding cigiap mailel hi. Guihtheih khamtheih zangte zong thatgiapgiap ngamlel ahih manin, Tax apialo tezong thatngam takpi maiding hi.
Related: Philippines ah Rodrigo Duterte in President asepzawh mi 2000 val ki thatkhin
Philippines President Duterte ii nasepzia pen a ngongtatlua tawh akibat hangin, alanglampan enkikleng agam a itman cihtheihlah hikik bilbel hi. Agam sungah guihtheih khamtheih kizangloding, Tax pialo omloding cihpen adeihhuai mahmahkhat hi a, Philippines gambek thamlo, gamkhempeuh ah tuabangin ki gamta hileh gamkhangtoding himawk hi. ZD Sawltak #zomidaily
Comment piaknop aomleh...