Saudi Arabia ah thukhenna innpi in mi 15 sihdaan pia

Saudi Arabia ah thukhenna innpi in mi 15 sihdaan pia

Dec. 9, 2016: Saudi kumpi in a galte adingin thukan sim dingin a ngawh Iranian spy cell kicite lak-a kihel mi 32te vai Riyadh criminal court ah thukhenna mai-ah dingsak a, Riyadh criminal court in hih mi 32 lak panin mi 15te tungah Tuesday in sih daan (dead sentence) pia in, a dangte thong sungah khum dingin daan pia hi. Hih Iranian Spy Cell a kihel ngawhna tuak mi 32 lak panin mi 30 pen Saudi gammi hi a, Iran gammi khat leh Afghan gammi khat ahi hi.

Hih bangin Riyadh criminal court in a thukhenna tawh tawh kisai Amnesty International in nakpi takin gensia in mawhpaih a, hih banga thukhenna pen thuman ciamnuih bawl khumna (travesty of justice) leh human rights palsatna nasia mahmah hi ci hi.

Saudi kumpi in biakna leh Pasian gensiatna kammal kilawm lo zang (blasphemy), guta leh suamhat, numei buan, tualthat cihte khawng sih daan pia lianlian ahih manin a beisa in Amnesty leh human right tuamtuam ten nakpi takin na mawhpaih den hi.

More: Malaysia gamsung aom Kawlgammi te kidop huai semsem

Saudi state media in February kha-in hih ngawhna tuak mi 32te pen thukan sim kipawlna spy ring kici bawl in, Iranian intelligence tawh kipawl uh a, Saudite galkap thusim Iran tungah a sim in pia uh a, Saudi kumpi langpang in nasem uh hi ci hi. Source: AP/ Thang Khan Lian