Sangsiapi pa’n inndawl 17 pan atuahkhiatsawm sangnaupang honkhia
China, Guizhou Province sungah sangnaupang khat inndawl 17 Floor panin a tuahkhiatsawm laitak, sangsiapi pa’n honkhiathei cihi. Hih thupiang pen Guizhou Province, Duyun City sungah nung Sunday ni in thupiang cihi.
Tua sangnaupang pen numeino Middle School akah laitakkhat hi a, lungkiat mahmahna nei ahih manin, inndawl 17 Storey Building panin alengkhiading in akithawi ahihi.
Inndawn panin alengkhiading in adindin laitak in Firefighter te’n ahonkhiading in nehpheisawm uh a, ahi zongin tua Firefighter te’n ageinai anehding delhlo in kilehkik sak hi.
Tuaban ah a innkuanpih te leh alawmte zong ageinai ah apaiding phallo in, kuaman hongneh kei un cihsan hi.
Tuabang in adindin kawmkal ah a sangsiapipa’n damdam in nehphei in hopih a, tui apiading kineihphei hi. Ageinai mahmah atun ciangin thakhatthu in apuanmong pan lenvat in anuntakna honkhiathei hi.
Video: School principal pulls back girl in time to save her from committing suicide and jumping off
https://www.youtube.com/watch?v=sIgEMMp6xCc
Taiwan ahzong nungdiakmah in sangnaupang numei khat inndawn panin lengkhia in si cihi. Hihbang in China gamsung ah amauleh amau akisihbawl, Suicide Rate atamna pen Education System hang hiding kici hi. Sangnaupang te khatlekhat kidemsak in, amat ahoih theitheiding kituhsak uhhi.
Related: Indonesia ah pasal khat aki gui awk (Suicide) laitak Facebook Live in khahkhia
Apil asiamte adingin gualtung tuanna, lungnopna ahihsam hangin, lai azolo bangmah atheilo te adingin maizumna khat higige hi. Tuabang in maizumna athuakzolo te’n anunung ah sihding teelzaw theimawk uhhi. Kawlgam ahzong Education System ihzatpen hoihtakmello, kidemna tamlua kici hi. Sawltak #zomidaily
Comment piaknop aomleh...