Aizawl Thupha (Kelkang khua pan)

Aizawl Thupha (Kelkang khua pan)

Mizo gam Gospel paina pan ka Innkuan nu NingZaCing tetti pan na.

Gamkhat ii thupha pen REVIVAL mah pan hi ci in um ing.tua tungtawn in minam sungah thupha luang tawntung hi.Kalawm te pawlkhat in Aizawl thupha gengen ngei uh hi. Khanlawh na om keileh a kingah theiding hi tuan lo hi.

1937 Kum in Kelkang khuapan khanlawh na lianpi ong piang ngei a Mizo gambup bek hilo in Zogam sung zong onglawh zo phial uh hi.tuakum in Kumkhat sung Suntawh Zantawh khuangging tatsat lo hi.Tua khanlawhna hangin Gamdang thupha, Hauahna thupha,Minam thupha, Kampau kizatna thupha,Zulimsalim teng kipuak ziahziah na thupha,ZO cih gam ong ngah na thupha te ih mu hi.

Tu in KELKANG khua mah ah khanlawh na lianpi ongpiang kik a kumnih sawt ta hi.Suntawh Zantawh Kumnih sung kikhawm den uh hi.tua ding mah kiging khol uh hiam a mau khuatawh akituak vetlo BiakInn golpi khat lamsa in nei uh hi.a khuamual ah thunnget mual nei uh a thungen ki tatsat ngei lo hi.Tua khanlawhna ah a khel kha pepeuh ciah thei nawnlo ahih man Kumpi nasem, Sang naupang cih bang te omsuak uh ahih man in makai teng kumpi ten thongah khum uh hi.ahih hangin khanlawhna pen nasia semsem ahih man Mizo Kumpi tein Pasian nasep hi. lawngkha keini ci in Huhna pia zawsop uh hi.nisim in Zintung 300 val den a Kumpi lam pan bek hilo Pawlpi tuamtuam pan neek lehdawn puak ziahziah uh hi.nitak sim in Pasian mizat te hun zangsak uh hi.Lasian te in zong lasa uh hi.Mizo gam bup in Pawlpi ki deidan na neilo in mapang khawm kimciat uh hi.Mundang tuamtuam pan Siate leh Pawlpi upa te makaih natawh tua khanlawhna vasiim zelzel uh hi.

Ih Zo gam ah zong 1974 pawl pan kipan khanlawhna lianpi hong om sam na pin”Zomi bup ong lawh zo nailo, Pawlpi tuamtuam ong lawh zo nailo hi Pawlkhat in AG te Bylaws a sakha zong om ngei hi.Khanlawh cil na khuate bang khanlawhna mitkhin bek tham lo in a leitaii penpen khuate bang ih hi kha zawsop hiam ci ing.

Khanlawh na hong omkik leh Minam vai, Beh vai,cih te ama paizia bang ong hilel ding a. Kipum khat na leh Thupha taktak ong luang ding hi ka it Zogam aw.

Sia Cin Sian Pau