Thai ah University sangsiapi khat meiholkhu dikin amahleh amah kisihbawl

Thai ah University sangsiapi khat meiholkhu dikin amahleh amah kisihbawl

Thailand, Mueang Nuea khuasung aom University sangsiapi khat mawtaw sungah meihol cihin amahleh amah ki sihbawl hi ci’n The Nation te’n genkhia uhhi.

Tua papen Rajabhat Si Sa Ket University ah sangsiapi asem laitak hi a, alungkhamlua ahih manin, amazat Pickup Truck sungkhat ah meihol thuk “Charcoal-burning Stove” cihsa in koih a, amahleh amah asiding in akibawl ahihi ci’n Thai Police te’n genkhia uhhi.

Tua University’ Dean pa ii aminpen Dr. Jakkraphan Somakesatrin kici a, kum 43 aphakhin khat ahihi. Rajabhat Si Sa Ket University geinai aom mawtaw koihna “Car Parking” khatah amawtaw khawlsak in, asungah meihol hal in akhu dikgawp ahih manin, tuatawh asi ahihi.

Asih laitak Photo aki khahkhiatna ah Dr. Jakkraphan Somakesatrin pen mawtaw ahawlte tutna “Driver’s Seat” ah atusa in kimuthei a, anung ama tutna nunglian ah meihol halsa in akoih ahihi.

Tua asihna phual ah palik tetawh adelhkhawm Doctor khatin agenna ah hihpa pen aki muhkhiatma nai 6 hunlaipawl in asikhin hiding cihi. Mawtaw huihlut nadingteng khakcip in, asungah meihol cih ahih manin, naklahcip “Suffocation” in asi cihi.

Dr. Jakkraphan Somakesatrin ii azi in agenna ah apasal pen abeisa hunsung ah naseptawl in, lunggimna tamlua leh asikhang “Stress and High Blood Pressure” cihbangin omtheizel cihi.

Dr. Jakkraphan Somakesatrin ii aluanghawm pen Si Sa Ket hospital ah kipuak a, Autopsy kibawlding cih kiza hi.

Hih thuthang tawh kizui in meihol khupen lauhuai mahmah cih phawkding kisam hi. Zogam khuadam phadiakna khuate ah phalbi hunciangin innsungah meihol kicih in mei ki awi theihi. Innsung abit mahmah, adiakdiak in taihinn huih alut apusuak aomlohna abitcip munte ah meihol ii akhu pen lauhuai mahmah hi.

Gamzawng te ah meihol pen anhuanna, meilum awina in akizat hangin alauhuai mahmahkhat ahihi. Gamkhangto pawlkhat ah “Charcoal-burning suicide” ci’n amau leh amau kisihbawlna in meiholkhu dikthei uhhi. Nungdiak inzong Korea K-pop Star lasiam minthang khatzong “Charcoal-burning suicide” tawh amahleh amah aki sihbawl kici hi.

More: China ah suangmeihol khuk nasem mi 33 te awkcip in si

Meihol akihal, akicih ciangin meikhu tepen Carbon Monoxide hipah a, tua meikhu dikkhaleng ihlung amcip theihi. Sawtveipi tua meiholkhu bekbek diksuaksuakleng aki sitheiziau himawk ahih manin, meihol azanglai nameltheih tanau te kidopding na hilhsawn in. Sawltak #zomidaily