Sangnaupang kitawng in khatpa luzang ah temteh kiphut in, zato tung

Sangnaupang kitawng in khatpa luzang ah temteh kiphut in, zato tung

Sangnaupang pasalno khat alu ah temteh kiphut vevasa in zato kipuak a, bangthu tuakkhamawk hiam cih akikan ciangin asangkahpih numei khattawh kitawng in tua numei nu’n temteh khattawh dengphei ahih manin, alu ah akiphut cimawk hi.

Peru, Nasca City sungah thupiang hi a, tua sangnaupang pasalno pen kum 14 khawng aphapan khat kici hi.

Sanginn Classroom sungah laihilh Teacher khatin agenna ah hih numei leh pasal tepen Game akimawl uh hi a, temteh “Scissors” tawh akidenna panin Accident in pasalpa lutung ah akiphutkha hi ci’n genkhia hi.

Ahi zongin sangnaupang alawm te genkhiatna ah hihpen Josefina Mejia de Bocanegra School ah thupiang hi a, Accident hilo in, akitawng in temteh tawh akidawt hi ci’n genkhia uhhi.

Tua akitotpih numeinu’n temteh khat pasalno ii alu ah phutsak veva cimawk hi.

Kamphatna tawh tua temteh pen pasalno ii akhuak sukhalo bilbe a, Doctors te’n bangmah nawngkai luatna omlo in hemkhiathei uhhi. Ahi zongin tua zato ah kimawlna sumbei pen pasalno ii anu in sumpiakding kaneikei hi ci’n Peru Local Media te tungah genkhia hi. Zatui zaha leinading dangka lumai pekkhatzong kaneikei hi ci’n genkhia hi.

More: Internet zangsaklo ahih manin sangnaupang khatin anu temta tawh satliam

Sangsiapipa’n agenkhiatna ah hih buainavai apian laitak in akhaamcip zolo sangsia pen thusitna akineih laitak hi ci’n genkhia hi. Peruvian Media te genna ah tua Classroom sungah laihilh in aom sangsia pen thusitna akineih laitak ahih manin, anasep panin ki dinkhawlsak phot hi ci’n genkhia uhhi. (tuhun pen numei te gualzawhhun dan hihtuak ei 🙂 Sawltak #zomidaily