Hong Kong ah numei khatin thautawh mi 4 kap, 1 si in 3 liam

Hong Kong ah numei khatin thautawh mi 4 kap, 1 si in 3 liam

Hong Kong khuapisung ah zanni Tuesday (June 26) ni in thau kikapna piangin mi 1 in sihlawh a, adangzong mi 3 liam cih CNA pan kiza hi. Hong Kong pen alungmuanhuai Safety aom mahmah khuapi khatin aki ciamteh hi a, khuasung ah thua kikapna cihte akiza ngeilo, aom ngeikhollo himahleh zanni in Quarry Bay Park ah suntangpi in thaukikapna piang ahih manin ki patauman mahmah hi.

Tua thautawh mi akappen numeikhat hisawnsawn a, kum 44 aphakhin khat ahihi. Taikoo Shing Housing Estate apualam aom numei 2 leh pasal 2 te thautawh akap hi a, tualak ah 1 in sihlawhpah in, adang 3 te aliam uh ahihi.

Nitaklam 3pm hunpawl in buaina apiang hi a, Local TV Channel te ahzong thau kikapna hangin aliam te ki suaksak hi. Pasal khatpen akhut liamgawp in sitawh aki dimzihziah khat leilak ah atu kimuthei a, adang khatpen Ambulance tawh akipuakhia kimuthei hi.

Kum 80 aphakhin numei khatpen alu thautawh kikapkha ahih manin, zato kipuakpah himahleh zato ah asawtlo in sihi ci’n Hong Kong Government Official te’n genkhia uhhi.

Video: A brazen daylight shooting at Hong Kong’s Quarry Bay Park on Tuesday (Jun 26) left a woman dead and three others wounded, a rare firearms attack in a city with a reputation for safety.

Adang khatzong alu ah thautawh kikapkha in, gimmahmah “Critical Condition” tawh zato ah kikem in, adang aliam 2 tepen akhut uh akikapkha hi ci’n kumpi thunei te’n genkhia uhhi.

Tua thautawh akap numeinu pen ageinai aom Cityplaza panin asawtlo in kimankhia theipah hi.

Tua numeinu tungpanin thauzong kimankhiathei a, amahpen thautawh akapnu hiding cih kician mahmah hi ci’n Chief Inspector Hui Hong Kit in genkhia hi.

More: Hong Kong ah dawlnih Bus golpikhat tuahsia in mi 19 sikhin, 10 val liam

Chief Inspector in agenbehna ah hih thaukikapna pen migilo ngongtat tetawh kisaina omkhaloding a, innkuansung buaina hangin thau kikapna apiang hiding hi ci’n genkhia hi.

Hong Kong pen khuasung gitloh ngongtatna “Street Crime” atawm mahmah in aki ciamteh hi a, thau kikapna leh thautawh kisai buaina pen aomngei khollo ahihi. Sawltak #zomidaily