Sanginn hoihpen ~ Nk Khanno

Sanginn hoihpen ~ Nk Khanno

Khua sungah a hoih penin akigen sanginn ah naupangno pa anu in sang hong kha hi. Nikhat a pu in naupangpa akhut pan hong lenin sanginn ah hong kha hi. Sangtual atun uh ciangin sangtual ah akimawl sangnaupangnote in putu tegel hong en ngeingai uhi.

“Kalai hipa a samkang, a ha tok fiefia lai.. “ ci’n naupang khat in hong ko in nui ngeingai uhi. “Hei thaukuahpa” ci’n a tupa zong hong phin bawl lai uhi. Sangtual aa kimawl sangnaupangte in pute tegel a ko laitak un daak hong ging ahih manin a vekun sang khan sungah hong tai geigai uhi.

khalo ding” a tupa in lawp takin hong ci hi. “Sang kah ding e maw, ahih hang hi sanginn hilo” ci’n a pu in damtak in hong dawngkik in a innlam ah a tupa hong ciah pih hi. Tua khit zawh putek pa zong sanghoih pen zong dingin hong kipan hi.

Sanginn khat a muh sim in tua sangtual ah pai in, sangnaupangte kimawl ding hun ngak in a om den hi. Sang pawlkhat te ah akah sangnaupangte in puteek ma olmawh lo in, zong thudon manlo uhi. Pawl khatte ah sangnaupangte zahkona le phinna a tuak kha zel hi. Hibang dan teng a tuah kawikawi ciangin putek pa zong dahsa in innlam hong zuan zel hi.

Hibang teng tawh nikhat khuanawl aa om sanginn neuno khat gei aa sangtual ah putek pa hong pai hi. Sang dainawl ah gim in, khua-ul nul in a om laitak in pusuah dak hong ging in sangnaupangte sangkhan sungpan pusuak in sangtual lam ah kimawl ding hong tai geingai uhi.

“Pu bangci nahia? Ngamlo maw? Gimlua maw? Tui kong suah dia?” cih dotna aw hong mun khat panin hong za hi. “Sangtual nawl ah khawlbuk khat om hiven, tua teng na khawl dia?” cih dotna hong za lailai hi.

A sawtlo in tua sangtual gei ah sangsia khat hong pai hi. Putek pa in tua sangsia pa khutlet in “Ka tupa aading sanghoih ka zonzon tun muta ingh ei” ci’n sangsiapa tung hong gen hi.

“Pu aw hih ko sianginn pen a hoih pen hilo hi. Khuanawl daipaam sanginn neu khat hilel hi.”

Sangsia pa pau te dawngkik nawnlo in a tupa sang-ap nading vaite kikup pih in tua khit ciangin hong innlam ah hong ciah pah hi.

Inn a tun ciangin a tanu in putek pa kiangah “Papa, nang sang a kah ngeilah hilo a, sanghoih pen le sangsia siampen koi ci zon theih na hia?” ci’n hong dong hi.

Putek pa in hi bangin a tanu dotna hong dawngkik hi. “Sangsia khat i siamna/hoihna (quality) pen a sangnaupangte en in kikhentat thei hi.” Nk Khanno (Sr; Wise short tales by A.Lopatina and M.Skrebtsova)