Russia in Syria ah dongtuakte huhna dingin vanleng sawl

Russia in Syria ah dongtuakte huhna dingin vanleng sawl

Nov. 30, 2016: Russia in galkapte zat leh vanpuakna dinga kizang thei “military-transport planes” kici field hospitals, siavuan mi-atte (surgeons) leh zato inn-a kizang vante (medical equipment) tawh kithuah in vanleng Syria gam-a Aleppo khuapi-a dongtuakte huh dingin kisawl a, hih vanleng leh a sunga sia vuan leh lup theihna ding om ten Aleppo kiim-a galtaite leh khua sungmite huh ding hi ci-in Russian Defense Ministry in pulak hi.

Hih vanleng sunga siavuan ten Syria a tun ciangun Aleppo kiim sunga galtaite leh nautang huhna kisamte huh ding uh hi ci-in Russian Defense Ministry in gen beh hi.

Hih vanleng pen Russian Defense Ministry in a sawl hi a, a vanleng sungah special medical unit kici om a, tua ten zato inn tuamtuam a van kizang thei (multipurpose hospital equipments) dam lo mi 100 ading nei a, tuate lakah naupangte ading children ward kici zong om a, Emergencies Ministry in zato inn kilaih kawikawi thei mi 50 lup theihna ding mobile field hospital kici nei a, nisim in dam lo mi 200 kem thei ding hi.

Russian Ministry of Defense in hih mobile field hospitals kici ah ambulance stations, x-ray room, anesthesiology department, laboratory diagnostics department om hi ci hi. Russia in hih mobile field hospitals kici a sawl pen Aleppo kiim sung tengah kizang ding a, surgery department, intensive care unit, children’s therapeutics department nei hi ci-in gen thuah lai hi.

More: Yangon Airport sungah apuakkham theiding muanmawh kimu

Hih vanleng sawlna dingin zan in Russian President Vladimir Putin in Aleppo leh a kiim-a dongtuakte huhna dingin mobile field hospitals sawl un ci-in thu a piak manin a kisawl ahi hi. Source: Sputnik/ Thang Khan Lian