Rohingya tebek UN Card kipiahen ci’n Malaysia Minister khatin genkhia

Rohingya tebek UN Card kipiahen ci’n Malaysia Minister khatin genkhia

Malaysia UNHCR zumpi in Rohingya tebek UN Card piahen ci’n Malaysia Minister khatin genkhia cih NST pan kizasawn hi. Tua agenkhia pen Prime “Minister’s Department” ah Minister asemlaitakahi Datuk Seri Shahidan Kassim in agenkhiat ahihi.

UNHCR zumpi in Kawlgam mite UN Card apiakding uhciang in hoihtak sitcianna nei uhhen ci’nzong genkhia hi. Tuaban ah Malaysia gamsung aom Kawlgampan hongtai Rohingya tebek UN Card pia uhhen ci’n genbeh hi.

Tua ahih manin Security Council te’n hoihtak encik in UNHCR zumpi panin Rohingya tebek UN Card akipiahiam cih katheinuam hi ci’n zanni in Parliament Lobby ah genkhia hi.

Kawlgam, Rakhine State sungah minam buaina apiangsak tepen hihteng aom UNHCR Card atawite zong hikhatheiding patauhhuai, lunghimawhhuai hi. Tua ahih manin UN (United Nations) te’nzong hoihtak kacianna nei uhhen.

Tuaban ah Foreign Minister and Counselor of State of Myanmar panmun tawh asem laitak ahi Aung San Suu Kyi inzong hih Rakhine State sung buaina vaite hoihtak kankhiahen ci’n genkhia hi.

More: A tapa mopawi simding in apai papi khat Bus tuahsia in si

Hicibang in agamsung ah minamneu tesung buaina piangpiang laimawk ahih manin, Aung San Suu Kyi pen Nobel Peace Prize angahding in akilawm mahhiam cihzong ngaihsut huai cihsan mawk hi. ZD Sawltak #zomidaily