ZYA ZUM INN PIAKKHIAT NA : ZYA Zum inn thak lamna ding tukal sung ngahna thak te: Siapi Cin Lian Nang, Kalaymyo Ks. 50,000/- ZYA ZUM INN PIAKKHIAT NA : ZYA Zum inn thak lamna ding tukal sung ngahna thak te: Siapi Cin Lian Nang, Kalaymyo Ks. 50,000/-
ZYA ZUM INN MABAN : Leitung bup Zomite kipawl khawmin i mapan khopna tawh a kilam ZYA Zum inn pen tu in anuai lam khempeuh kizo siangta in nuamtak kizang thei ahih manin i lungdam mahmah hi. Tu in Zum inn a tunglam sep kipan kikta ahih manin a kihel kha nailo a kihel kha nuam mimal, pawlpi leh kipawlna tuamtuam panin huhna kipia thei lai hi cih i kizasak hi. Nang leh kei piak khiatna tawh ZYA Zum a kizo ding ahih zahkhat in ei piakloh hangin zong kizo lah tuanlo ding ahi cih zong phawk kawmin minam nasepna ah kihel kimciat ding kideihsak i hih manin a kipulak phapha hi zaw hi hang.
ZYA IN PA DOPI VADAWN : Mandalay ateng Pa Sing Do Lian (Dopi) Ngaihte beh in, Delhi pan Imphal (Phaipi) vanleng tawh aluang Aug 10, 2017 ni-in hong kipua in Moreh pan Motor 7 tawh ZYA Myanamr in vadawnin ZYA Motor tawh Pa En Khan Go (Gopu) ZYA AGS II in Mandalay dong vakha hi. Pa Dopi luang puakna tawh kisai a gim atawl khempeuh, Motor tawh hong zui a kua mapeuh tungah ZYA in lungdamna lianpi nei hi ung.
VISA KISAM NAWNLO HI : Kawlgam panin a hang tuamtuam tawh gamdang tungin, atunna gamah gammi hihna (Citizenship) angah khinsate Kawlgam ah hong ciah uh ciangin VISA cih bang kisam nawnlo ding hi ci-in Aug 2, 2017 The Voice Daily thuthang panin kiza a, lungdam huai athu khat a hi tam maw.
MIPITE TUNGAH LUNGDAM MAHMAH NA : Yangon leh Mandalay khuapite ah Aug 2-5, 2017 sung phungzi pawlkhat leh mipawl khat makai-in lungphona neihna-ah mipite in pilvangtak leh gamsung daih ding lunggulh zawkna tawh hih lungphona ah kua mah kihello leh kua man panpihna naneih loh man un kalung uh dam mahmah hi ci-in Kawlgam thudotpi zum panin thusuah Aug 6, 2017 ni-in bawl uh hi.
KAWLGAM KILEMNA VAI PPWT LE NCA : Kawlgam sung kilemna ding vaisai makaite leh NCA ah thukimna suaikai singnuai thautawi makaite kilemna tawh kisai-in Thai gam Chiangmai khuapi Amora Tapae Hotel ah Aug 3, 2017 ni-in kimuh khopna nei uh hi. Kumpi lam panin U Khin Zaw Oo Maung Shwe leh U Kyaw Soe, Dr. Min Zaw Oo, U Hla Pado Saw Kuai Thu Win, Salai Thala Hei, Khon Myat Tun, Saw Kyaw Nyut, Sai Ngen, Saw Smith Dawn, Khon Thomas leh Salai Aung Myintte kihel uh hi. Hih Kumpi lam makaipite leh NCA ah kihel lo thautawi kipawlna UNFC pan makaite tawh Chiangmai khuapi mah ah Aug 5-10, 2017 sungteng kimuh khopna nei ding uh hi.
BANGKOK AH PALAI ZUMTHAK : Thai gam Bangkok khuapi ah Oct 16, 2015 kum akilam Kawlgam palai zum (oH&kH;) thak honna Aug 3, 2017 ni-in nei uh a, Kawlgam panin gamdang lam Vuanzi zum pan U Kyaw Tin Va kihel thei hi. Hih palai zum pen sawng 5 hi a, Thai gam a Kawlgam mite adingin khamuan huaituam mahmah hi. Kawlgam leh Thai in kizopna pen Aug 24, 1948 pan pek in a kinei hi.
KAWLGAM SUNG PILSINNA LAM : Kawlgam sung pilsinna zumpi lam panin 2017-2018 kum adingin Kawlgam sungah B. Ed, DTED, PPTT zo sa 10435 te pen Region leh State tuamtuam ah nasep kipia hi ci-in pulak khia uh hi. Tu laitak in i gam ah B. Ed zo 482, DTED leh PPTT zo 9953 om in B. Ed zote Tan 8 sangah DTED leh PPTT zote Tan 4 sangte ah sangsia sem dingin nasep kipia khin hi. Zogam Chin State ah B. Ed zo 1, DTED 281, PPTTzo 106 om a, Yangon Region ah B. Ed zo 106 om in a tampen hi.
KAWLGAM SME LEH MASTER CARD : Kawlgam sungah gam dang vankhakna laikhakna nasep ahi SME nasepna ah Newyork khuapi bulphuh Master Cardte in hong huh ding uh a, Kawlgam sungah SME nasepnate hoihtak in a kisep theihna dingin e-pay- ment zangin kisem dinghi ci-in Country Manager Donel On in gen hi.
GALAKP LIAN PEN JAPAN HAWH : Kawlgam galkap lianpen Bogyoke Moe Kyi Min Aung Hlaing leh alawmte Aug. 3, 2017 ni-in Japan vahawh in, Japan gamah galkap lam panin pilna sang sinna (ynmawmfwif) te a tam theithei akah theihna ding a kipan gam nih kizopna hoih semsem nading kikup khopna nei uh hi. Japan galkap lianpen Pension sa Iwasaki leh Japan galkap lam alianpen Kawanote leh Nipon Foundation makaipi Yohei Sasakawate in nakuang umpihna zong nei uh hi.
THE VOICE DAILY CHIEF EDITOR : Mar 26, 2017 ni akihawmkhia The Voice Daily laisuah sungah Kawlgam pen thautang gam ( jyefaxmifpk pen usnfaxmifpk) ci-in agelh Chief Editor U Kyaw Min Shwe pen Media thukhun 66 (d) tawh thongkia in Aug 4, 2017 ni-in sum sang 220/- tawh (tmrcH) ngah in suahtakna kipia hi. Hih vai ah galkap lam panin Yangon galkap phualpi panin ‘kwd, AdkvfrSL;BuD; vif;xGef; in khia in thong kikhum ahi hi.
8 BEKBEK 4 (8888) PHAWKNA : Kawlgam ah khat guak thuneihna tawh ki-ukna U Ne Win ukna panin suahtak nading Kawlgam sungah lungphona kipatni ahi 8.8.1988 (8av;vkH;) (8888) pen tukum ciangin kum 29 cingta in Aug 8, 2017 ni-in phawkna Yangon ah thupi tak in bawl uh hi. Hih lungphona ah mi tampi-in sihlawh in, liamlawh in manthanlawh banah gamdang tun lawh zong tampi om a, tua hangin Kawlgam in Democracy ki-ukna kingah hi.
INTER MILAN U-17 TE : Inter Milan bawlung Club panin kum 17 nuaisiah (U-17) khangnote Kawlgam (U-18) te tawh kimawl dingin Aug 9, 2017 ni-in Kawlgam hong tungta uh a, Kawlgam U-18 te tawh Thuwuna Tualpi Aug 11,13, 2017 nite ah nitaklam nai 6:00 pm in kidem ding uh hi. Hih Inter Milan kimawl khangnote pen Italy, Belguim, Slovakia leh France gam pan kimawlsiam khangnote ci uh hi.
SEA GAME KIMAWLNA THU : Aug 14, 2017 sung Malaysia gam a kibawl ding a 29 veina Sea Game kimawlna-ah Kawlgampanin U-22 te Malaysia zuanin Aug 11, 2017 ni-in paita ding uh a, Group (A) ngah in Aug 14, 2017 ni Singapore, Aug 16, 2017 ni Lao, Aug 18, 2017 ni Brunei leh Aug 21, 2017 ni Malaysia tawh kidem ding uh hi. Kawlgam panin kimawl ding mi 384 kipai sak ding a, makaite tawhgawmmi 500 val kipai sak ding ci hi. Hih Sea Game ah Shwe (a&TwHqdyf) letsong 404 kipia khia ding ci uh hi.
FORUM ON MYANMAR DEMOCRATIC TRANSITION : Aug 11-13, 2017 sung Nyipyitaw a kibawl ding Kawlgam Democracy kikhelzia (Forum On Myanamer Democratice Transition) ah a kihel nuam, thukan (Media) nuamte mi 100 kila ding ahih manin a lunglut gamsung gampua pan thukante in Aug 8, 2017 nitak 4:00 pm a nunung penin Kawlgam thu kizakna zum (Information) ah ngetna kipia thei hi. Theihbeh nuamte 067-412002, 412187, 412126
LEITUNG KILEMNA DAIHNA DING : Kawlgam sung aom Phungzi minthang mahmah oDw*lq&mawmf pa leh Japan Foundation leh India pan NGO khat kipawl khawmin Leitungah kilemna daihna khamuanna a om theihna dingin biakna nakim samkhawmin thu kikupna Aug 6, 2017 ni-in Yangon, Titago World Budha University ah thupitak bawl hi.
KAWLGAM H1N1 PULNATNA : Tu laitak Kawlgam sungah khanglui kamin zavat/pulnatna nam khat a hi H1N1 natna lauhuai mahmah langin zato lum 3867 lak ah H1N1 natna lungno nei mi 146 om in, tua lak ah mi 15 si khinta hi. Hih H1N1 cisanatna pen Sen gamah 3068, In- dia ah 319, Bangaladesh ah256, Singapore ah 80 leh Thai gamah 59 cih bangin om kawikawi a, ei gam bek hi zenzen lo in khua lumgam zaw deuhte ah a om thei zel natna nam khat hi ci uh hi.
NUPI MELHOIH MRS UNIVERSE 2017 : Sep 2, 2017 ni ciangin South Africa a kibawl ding Nupi melhoih kidemna (Mrs. Universe 2017) ah Kawlgam ai awh in Mrs. K. Khine Nin (aucdkifESif;) in kava dem ding ci-in pulak hi. Nu K. Khine Nin pen Tapa kum 9 leh kum 6te i nu hi a, Kawlgam Nute lapsang na ding lunggulhna tawh a vadem ding kahi ci-in gen hi.
THONGKIA TAN 10 ZOTE VAI : 2016-2017 laisin kum ah Tan 10 laivuanna ah sangtak in gualzawhna sangtak in angah Mandalay thongpi panin sangnau pang 5 leh Insein thongpi panin sangnaupang 2 te Kumpi lam panin suahtakna (EkdifiHawmf vGwfNidrf; oufomcGifY) apiak uh pen Kawlgam sung (MNHRC) Human Rights Commission panin lungdampihna lai suah uh hi. Mailamah zong thongsungah pilna sin kawmin thongkia sangnaupangte agamtatna kikhel in a om hunhun ciangin hi bangin suahtakna kipiazel dingin kalamen uh cih behlai uh hi.
UN IN N. KOREA GAK : A lauhuai mahmah thautang North Korea in July kha sungin lawkik (prf;oyf) uh ahih manin Leitung gambup kipawlna UN panin North Korea gam gakna thak (ydwfqdkYrltopf) bawlpha in vekpi lungkim uh hi. Hih gakna thak ah N. Koreate van gamdang ahong zuak suang mehol, sik, suang leh tuipi sung piangnek theihte koi mah gamin lei nawnloh dingin thukimna thak nei uh hi.
NA THUPHATE PHAWKSIAM IN : Zomite kham leh zangah i hih zawhzah tektawh inn leh lo i nei tek a hihte pen Pasian hong kopsa vive hi a, i puah i zun i kep ding hi napi-in Pasian thei Zomite tenna mun leh mual innkim innpam teng siangtho lo pha deuh banah tuivung in lopadim a zumhuai mahmah hi. Pasian hongpiak na thuphate naphuah nazunkei leh Pasian in khuanawl gampa lak ah hong teng sak kik leh na i sa mahmah ding hi. ZYA Weekly News
Comment piaknop aomleh...