Singapore Airlines te’n Samsung Note 7 puak phalngiat nawnlo

Singapore Airlines te’n Samsung Note 7 puak phalngiat nawnlo

Singapore Airlines (SIA) te’n amau ii vanleng tungah Samsung’s Galaxy Note 7 Smartphone te puakding phalngiat nawnlo uh ci’n tangkokhia uhhi. Abeisa hunsung ah hih Samsung Phone te Hand Carry Bag te sungah koih akiphalloh hangin Baggage Checkin bawlleh ki puathei hi. Ahi zongin “US Department of Transportation” te’n hih Smart Phone te vanleng tungah puakding aphalloh “Emergency Order” apiakkhit mahbang in tu’n Singapore Airlines te’nzong Saturday (October 15) ni akipan SIA vanleng tungah puakding phalnawn vetlo uhhi.

Singapore Airlines bekthamlo, Budget Carriers te ahi Scoot leh Tigerair te’nzong amau ii vanleng tungah Samsung Note 7 puakding khamta uhhi. Vanleng tawh khualzinding Passenger te vansung, Luggage sung khatpeuhpeuh ah Samsung Note 7 Smart Phone te aki muhleh ki lakkhiatsakding cimiau uhhi.

Qantas Airlines leh amau ii Budget Carrier ahi Jetstar te’nzong atung ate’n khamta uh ahi manin, amauzong Saturday ni akipan Samsung Note 7 te puakding phalnawnlo uhhi.

Hihbang in vanleng tungah puakding aki phalngiatlohna ahangpen Samsung Note 7 sungah akizang Battery Device te hang hi a, tuate panin meikuangthei cih lauhuaina om ahih manin, Airlines tampi in puakding aphallo uh ahihi.

Virgin Australia, Tigerair Australia cihte ban ah Hong Kong te vanleng ahi Cathay Pacific, Dragonair cihte’nzong abanban in khamna bawlta uhhi.

COMPLETE BAN
Hihvai tawh kisai in Singapore Airlines Custombers pawlkhat in dotna bawl uh a,
Dotna: Singapore pan kazinkhiat in hih Samsung Note 7 te ki puatheilai a, tu’n Singapore ciahkikding hileng ki puatheilo cileng bangcihding?
Dawnna: Vanleng Safety ding ki lunggulh ahih manin Samsung Note 7 pen Singapore Airlines tungah ki puathei ngiatlo hi. Samsung Company te’n nazinna gamah asum in hongkhiatkik theiding naki thuza un

cih himawk hi. Samsung Company te’n asum khiatkik keimawk leh akhualzinna ah a Phone nutsiat akulding hihtuak mawk hi.

Khatleuleu in adotna ah:
Dotna: Hih Samsung Phone pen a Battery lakhia ngiatin pualeng aki ngahdiam?
Dawnna: “Complete Ban” ahih manin hih Samsung Note 7 ii athemneng khatzong Singapore Airlines tungah ki puathei ngiatloding hi

cimawk hi. Samsung Note 7 aleikha te lah hamsia ei, Samsung Company tezonglah kamsia uh ei. Ko aneizolo tezonglah hehpihhuai sem ungei 🙁 ZD Sawltak #zomidaily