Malaysia pan hawlkhiat athuak Ambassador pa aciahdiam?

Malaysia pan hawlkhiat athuak Ambassador pa aciahdiam?

Tuni Monday (Mar 06) nitaklam 2:30pm hunpawl in Kuala Lumpur khuasung aom North Korea Embassy panin mawtaw nih pusuakkhia hi. Tua mawtaw nihte sungah hawlkhiat athuak North Korea’s Ambassador pa atuangkha hiam cihpen ki gencian theilo hi.

North Korean Embassy pen Damansara Heights vengsung ah aom hi a, tua apusuakkhia Toyota Alphard leh Toyota Camry mawtaw nihte sungah numei khatleh pasal 4 tuang uh kici hi.

Hih Ambassador Kang Chol kicipa pen Malaysia kumpi in March 04 ni in agampan hawlkhiatna apiak uh ahihi. Persona non grata (person not appreciated) ci’n aciapteh uh ahihi. Tuathu apiak hun akipan nai 48 sung (ni nihsung) in Malaysia gampan in ki hemkhiading cih thu akipia hi a, tunitak 6pm hileh nai 48 acingding hita hi.

Malaysia gamsung aom Media te bekthamlo, leitung gamtuamtuam aom Media te’n hivai pen lunglut mahmah uhhi. North Korea Embassy mai ahzong tusungteng Journalists leh Cameraman te Ready sa in omcipden uh ci a, Ambassador Kang Chol pen ki mitsuantek hi.

More: Malaysia kumpi in North Korean Ambassador pa agampan hawlkhia

Kang Chol pen Malaysia gamsung ah North Korea Ambassador in aomzawh kum 3 bang hita hi. Malaysia gamsung ah ahun nunungpen bangci bangin azangdiam cih kilungluttek hi. Malaysia pan hawlkhiat athuak Ambassador pa aciahdiam? ZD Sawltak #zomidaily