UNHCR pan REG leh kipawlna makaite Online Meeting nuamtak ki neithei

UNHCR pan REG leh kipawlna makaite Online Meeting nuamtak ki neithei

UNHCR thuneite vaihawm siamna tawh tuni 5th November 2021 ni in kipawlna makaite Online pan melkimu in tulai khuahun leh lungnop lohna tampi genkhopna kinei thei hi.

1. Mithak lakna (New registration) tawh kisai in tuni ciang dong zato vai thukin ahih kei buang leh tulaitak in kisang zo nailo phawt tading hi, a hang in tulaitak in mihing tul sawmnga (50,000) bang UN Card/laidal tettan hunbei in om uh a, tuate amanlang thei in tettan a kipiakzawh na ding kihanciam mahmah ahih na hangin vai tuamtuam dang te sangin kithupi ngaihsut zaw hi tettan tuate hong man leh a dang vai tuamtuam te hong kizomto pah ding hi. Tua hi a, zato vaikin khatpeuh a om leh bek Registration hotline samin na kisapna uh gen in zaksak thei tawntung ahi hi.

2. Naungek suakthak te tawh kisai minkhumna vai ah athupipen in UNHCR website ah lutin Family Composition ah naki update hamtang ding uh ahihi. Tua bang mah in tulaitak Card tetan tu ding tawh kisai ki tgupi ngaihsut zaw ahih mah bangin, naungek lutpih ding te zong remote registration a beisa mah bangin a kinei tawntung lai ahih manin, hong kisam in a kisam khempeuh online panin hong kisem in a UN Card/Laidal a kilak theih ding hunding ciangin UN zum ah hong samin card hong kipiaksak ding hi.

3. Mimal tul sawmnga bang UNHCR card tettan bei in om lai ahih manin, kuamah ki deihsak deuh leh tuambawl cihbang ngaihsut na omlo in a banban in ki sem toto ahihi. Hih vai tawh kisai in pawlkhat te a card tawi uh a hun beizawh a kum a sim, kum-lang a sim cih bang hi napi in zum panin kisam nailo a, ahi zongin kha khat kah-nih huam sunga beite kisam cih bang om hi cih thu tawh kisai in I phawk ding thu in, tuabang a om khak leh Kuala Lumpur leh Selangor huamsung a omte sungpan in kipan masa ahih manin, mun gamla a omte hong kisam hak zaw deuh hizaw hi.

Gamsung kikawm na paisuk paitoh vai tuamtuam om ahih manin mun gamla a omte hong kisam nailo hizaw hi. Nidang in mun gamla a om in Tulaitak in Selangor leh Kula Lumpur sungah na om hangin na omna (Address) na update kei leh mun gamla a om mahin hong kiciamteh ahih manin na omna mun address uh zong na ki-update hamtang ding uh kisam ahih lam kong phawksak pha uhhi.

4. 2019 Kum a online pan UN Siau in minkhumna (Online Registration) vai tawh kisai in kipawlna maikai lamte panin bang ci dinmun ah om in, tuate kisam ding maw ahih kei leh kisam lo ding cih thu lung hihmawh na lianpi kinei ahih manin dotna a kineih ciangin, UNHCR zumpi lam panin kisam nawnlo ding cih hizaw lo in, kum 2 sung bang lockdown hangin bangmah kisem theilo in, tu in tua hunsung zum vai hong behlap mi tul-sawmnag te card renew ding vai tawh kisai in card renew ding simloh nadang bang mah kibuaipih man nailo ahihna thu hong gen pha baan ah, 2022 huam sungin tua 2019 kum a online pan minpiate vai kizom kik zo pan ding ahih na thuzong hong gen cian uhhii, tua hi a, 2019 a online panin UN siau in Minpiate zong lungkiat pah nading om tuanlo ahih lam zong ih ki phawksak phapha nuam hi.

5. Tuteng UNHCR zumpi panin Card Renew apai pawlkhat te in laidal (A4 Size Paper) a ngah pawl om in, tualo pawlkhat te in a ngeina mah Card taktak a kipiakna thu lungnoplohna kinei ahih manin zum makaite in tua vai tawh kisai dotcianna kinei hi. Hih thu tawh kisai in lungnoplohna ding bangmah om tuan lo a, card akipiate pen 2024 ciang ding in kibawlsak a, ahih zongin laidal tawite kum 1 sung bek ding ahi hi. A diak in tuabang a laidal akipia leh card akipiate a tuam in ciaptehna cih bang om hituan lo a, amau zong hong renew kik uh ciangin card mah a ngah veve ding uh ahi hi.

6. Hotline vai tawh kisai in kipawlna lam panin UNHCR in Hotline hong behlap zawh na ding uh ki ngen tek hi, ahi zongin UN hotline behlap hangin nisim in mi akisam thei ding leh a lut thei ding zah kiciangtansa ahih manin phattuamna tampi om tuanlo ding ahih limtak hong gencian uh hi, UN hotline kici pen na UN Card tettan uh bei cih thu nong kohna ding uh hilo a, damloh na natna hang leh kimat kihen thukin, vaikin khatpeuh koh theihna ding, a hihna thu hong lim gen mahmah uh hi.

Na UNHCR Card uh a hun bei leh beiloh bel ka system panun na thei hi ung, nong koh uh kisap luatna omlo hi a, ahi zongin nat leh sat vaikin khatpeuh a hunlap in nong koh theihna ding uh UN Hotline hizaw ahih lam mipite tungah hong na tangko sak uh cizaw uh ahih manin UN Hotline kici a zatdan leh a kikoihna a hang telsiam tek leng cih kingen pah hang ei.

7. UNHCR zumpi panin phone tawh hong kisam in na phone na let man kei leh lunghimawh kei in, message zong hong kikhak ding a, hong kisam kik lel ding hi, na ngak hithiat un. Tua na ngak hun sungun mat leh hen, damloh vaikin a om leh UNHCR hotline pan hong samun cih hong lim vaikhak mahmah uhhi.

8. Tuzawh a sawtlo in UN Card tettan beisate a ding in, UN tettan hong renewsak zawh mateng uh ih tawi ding “VALIDITY OF EXPIRED DOCUMENT” Cih lai hong hawm kik pah ding a, tua laidal pi te print khia in na Card/Laidal tettan beipen uh tawh na tawikhawm hamtang un. Hih pen UN Card/Laidal tettan bei teng in na kin ngaihsut in na vaksuk vaktoh, na ciahna khempeuh ah na pua hamtang un.

9. Phone numbat laihna tawh kisai in SMS tawh Phone numbat kilaih thei nawnlo ding hi. Tua a hih man in, phone numbat athak tawh a laihnuam a mangsak peuhmah in UNHCR website ah lut-in tualai pan in na phone numbat uh laih in na update hamtang na ding uhzong cihthu ong vaikhak phapha uhhi.

10.Kum 2013 Lai in UN minsaan na angah sa te a ki reject leh UN ki laksak kik te vaizong lunghih mawh na tawh ki ding in , UN Min saan na ahi REG te in , hih tawh kisai pen RSD ah te vaipuak ahihi, Ai zong in UN ki reject in UN ki lak kik sak a siau kik te in lungduai tak in na ngaak leh uh ong sam kik ding uh hi cih tawh ong dawng uhhi. ZAM iNFO