Mualnuam khuami Rev. Dal Za Cin (Munlai Zion UPC) in hongnusia

Mualnuam khuami Rev. Dal Za Cin (Munlai Zion UPC) in hongnusia

Mualnuam khuapi, Kalaymyo, Munlai ateeng Rev. Dr. Dal Za Cin in tuni Sunday zingsanglam in hongnusia cih ihzakkhak manin Zomi Daily pan dahpihna kongpulak uhhi. Dr. Dal Za Cin pen abeisa in Malaysia gamsung ah tawlkhatsung aomngei hi a, nungkum December 2017 kumsung in innlam aciah ahihi.

Malaysia gamsung ah aom hunsung in Victorious Living Assembly kici UPC pawlpi kikhopna ah Pastor asemngei khatzong ahihi.

Malaysia ah Pastor semin aom hunsung mahin India, New Delhi aom Apostolic Biblical Theological Seminary panin Doctor of Divinity (D.D) pahtawina zong hong ngahkhiathei hi. Athu akician in akisam aomleh behlap toto ni. Sawltak #zomidaily

Dahpihna: Rev. Dal Za Cin (Munlai Zion UPC pawlpi) in 24 June 2018 (Sunday) zingsang nai 11:40 (kawlgam hun) in a it a ngaih pawlpi mite leh a tate a tute nusia in a nuam zaw ih biak Pasian kiangah hong ciah san ta hi.

Amah pen Pasian a it pawlpi a veii, mel theih u le nau a deih sak mahmah mi khat hia, mi thupi mahmah khat ahihi. Ama cihtakna hangin pawlpi in phattuamna tampi ngah hi.

Pasian in ama hong nusiatna hangin a dah a kap khempeuh hong hehnem henla, gamsung gampua a om a tate a dingin zong thungetna ah phawk ciat ni.

Dr. Dal Cin leh hongnusiakhin azi Niangpeek te ii atate:

• 1. Pa Mangpi te innkuan – USA
• 2. Lia Siambawi – Malaysia
• 3. Lia Nuamno – Munlai, Kalaymyo

Hehnem siampa KST in hong hehnem tahen! Amen. By. Rev. Khaipu (Church pastor, Tulsa, USA (Tawmvei)