Malaysia, Rawang Mall sungah guta damiah lutin vanmanpha honpikhat puakhia

Malaysia, Rawang Mall sungah guta damiah lutin vanmanpha honpikhat puakhia

Malaysia, Rawang vengsung aom Shopping Mall khatah guta damiah lutin, Jewellery Shop panin vanmanpha honkhat luatkhia ziahziah uh cih theStar pan kiza hi. Tua guta damiah te lutlaitak in Shopping Mall sungah vanlei vanzuak in midang tampi om himahleh awlmawh vetlo in, mipi muhtangmah in luhsuk ngammawk uhhi.

Tua guta damiah te lutlaitak Video Record kibawlkha in, Social Media ah ki thehzakpah hi. Hih damiah te’n Poh Kong Jewellery Shop sungah vanmanpha honkhat aluhkhiat pen tuni Friday nitaklam ahihi.

Damiah tepen amaitang uh tuamcip uh a, khatpa in sekpi tawh vanmanpha akikoihna Display Case te khenkham ziahiziah hi. Tualaitak agei ah adangkhat in akhutsung ah tawikhat nei a, thau atawi hiding in ki ummawh hi.

Security Guard khatzong Video akipatna lamah saimailian ah adingsa in kimu himahleh, amahzong acihnading theihtuak mello in, damiah te gamtatna teng agal et kawmkawm in nungkikkik mailel hi.

Tualaitak in numei khatin palik te sam un, khatpeuh in palik te nasam mengmeng un ci’n a awngawng kiza hi.

Palik thunei Officer in Charge khat ahi Gombak OCPD Asst Comm Ali Ahmad in agenkhiatna ah hih guta damiah te lutlaitak in vanzuak Sales Assistants mi 4 aomlaitak cihi. Tuaban ah vanleisawm Customer zong mi 2 aomlaitak cihi.

Video: Armed robbers hit Poh Kong outlet at Rawang mall

Guta damiah te khatin Ceiling thautawh kapto in, ahi zongin kamphatna tawh kuamah aliam omlo cihi.

Police te’n hih Jewellery Shop aluhpen guta damiah mi 4 hiding ci uh a, tuateng azonsan laitak uh ahihi.

Hih guta tepen Motorcycle vive tawh hongpai uh a, tualak ah mi 3 bek Jewellery Shop sungah lut uh a, thau apuatawh, sekpi apuatawh asung atun ciangin kipeipah ziahziah uhhi.

Related: Johor ah suisaikhat damiah kitaih in Security asempa thautawh akhe kikap

Police te’n hih buaina pen Gang Robbery, Armed Robbery cihtawh Case bawl uh a, CCTV Footage te hoihtak encian in, ki kankhiading hi ci’n genkhia uhhi. Damiah tezong maitat semsem, hangsan semsemmawk uh ei. Sawltak #zomidaily