ZYA te’n Pyidawtha khuasung hawkguam tuiluan nading Pipe thuah

ZYA te’n Pyidawtha khuasung hawkguam tuiluan nading Pipe thuah

Pyidawtha khua laizang ah gamdang pan huhna tawh lamzikpi ki bawl a, hong sangto mahmah mawk hi.

Nidang lampi nawl teng ah tuipaihna guam akineih man in huansung ah khaici meh tampi kiciing thei hi. Nidang in khuasung lampi te zong avengveng in sehnel kisung in ki zalhkim a, atuamsan na omngeilo in lampi tawh kisai buaina omvet lo hi.

Tuhun Hausa upa ten zong khuasung ading ahoih lah bawllo, asia zong bawltuan lo uh a, mipi sum neizaw deuhteng in, a inn mai ciat uh Tungtun bang in sehnel vumsak ciat ahihman in, khuasung vakleng ken lak guamlak paitawh kibang hi.

Ih Bazaar Yii pi sung zong mehteh mehgah zuakna mun te, sehnel kisung mahmah lo a,mehlei mipi te khe buansa in kiciah kha den hi. Bazaar Yii pi committee te’n bang teng ngaihsun hiam cihnop huai mawk hi.

Khuasung ih luttoh ciang in taklam teng nisuahna lolui ah tui atuaksuk den hia, veilam teng tualpi lui leh tuitawng lui ah aleng suak ahihi. Tuhun in Hausa upa in khuasung lampi te bangmah vaihawmlo ahihman in, a ut anuam in sehnel akisun man in, tuilam hawkguam te kivuknelh a tui ihcih pen aniamniam na aluang ahihman in khuasung nuam mahmah kimlai buanciim hongsuah hi.

Hihthu dik asalo Zomi Youth Association (Pyidawtha Southern) te in zanni 07/29/2019, nitak lam 2pm hun akipan 6:36 pm dong ma hong pang uh a, Tuilam pi hong zik in, lampi te ah Pipe te koih in, tuite aluan ngeibang in hong luangsak kik uh ahihman in, ZYA (Phyidawtha Southern) te thupi kasa mahmah hi.

More: Pyidawtha Khua Zomite i Kiteelna Vote piakna tawh kisai Mimal Muhna

Lampi sehnel sundan leh tuilam te ih bawlsiam masiah ihkhuasung hoihngeilo ding ahihman in Hausa upa teleh ZYA te kipawl in ma hong panthak ding ki lam en mahmah hi. Veina bek tawh, khuanawl khat pan, Zogam Mungno