Gam leh Nam ading Dawltung tuanna lam hil

Gam leh Nam ading Dawltung tuanna lam hil

Thupatna:

Tulai khangnote in abeisa hun a ki makaihna tungtawn in agah aliimcii leh apicing en uh hi. Kiim leh paam khua sakna tawh kiteh khai den uh hi. Thu diktak tawh gam leh nam ki khualna encik vilvel ta uh hi. Khangno te in a et teh masak penpen Nu leh Pa hi a, tua zom ah Siamsin laihilh te ahihi. Hong khan let khit khuatheina akicin tak ciang in inam sung ah Khualzin minthang, Sum nei minthang, Mipil Minthang, Milian zaalian minthang kua teng om bangteng sem cih pilvangtak en cik to ta uh hi.

Minthang te nungsul kizui

Hih mi minthang te kampau leh laigelh te anasep sate etsim masak in nei den uh hi. Tua mun ah khangno khat ii sisan sung ah ateeng khinsa ngaihsut na leh gimna tawh akipelh khak leh ahang zong pah velvel Zomi khangno tampi ki om ta hi.

Tua mun ah Zomi khangno khat in amasuan kihontheih nading nunnop tungtuan khua sak na (noble way of life) asan zia mipil mihau milian tampi sung pan in ei sung pan akipan khia te ettehna la tawn tung hi. Ahoih lam zong etteh a, alohna zong etteh in thukhen na ama ngaihsutna sung ah’ zuih ding zuih loh ding khinkhai densa in khuasa ta uh hi.

Nasil namcinh theihna leh Lungsim pilvang.

Zomi khangno te in alungsim sung uh ah bang ci bang ngaihsutna nei uh hiam cih ciang in Nasil namcin theihna leh Lungsim pilvang theih telna (Scientists and Psychologists have widened Our intellectual horizon) aciimna, up loh ding hilo a uphuai thu vive ahih hang in khangno te ngaihsut giimna khuasakna avangkim tak in thahat sak khin zo tuanlo hi. Adawl tungtuang masuan kihong sakzo ngaihsutna Idea te i pia theih a,amuh theih asan theih ciang bek in Zomi khangno , khanggui kizom in nunnop khuasakna tha hatsak khangto sak hi. Zomi sung paunak khat ah ahangbei ahangpiang, nidang in kici hi. Tu in apil abei leh apilzaw hong piang ding, Zaalian abei leh azaalian zaw apiang sak thei, Ahau abei leh ahau zaw apiang sak thei ngaih sutna leh Gamh leh Gou ei te minam atun tun na munah kinusiat kiluahsak na kisam hi.

Athuneem tak tawh kepbit siam

Biakna lampan in en leng akipat cil in hehpihna deihsakna, athuneem mahmah tawh alungsim ham mahmah migilo te kembit zo hi a, anungsang ciang in Pasian deihna lampi tawn in paiton khuasa thei pan ahihi. Khangno te deihna leh sanna athu kilumlet hun laitak in gam leh nam ading in Gamh leh Gou thu ah kicianhet lo ahi neknok misi kam ki vaikhak na bang te tuhun khangno te’n thu khentat mengmeng uh hi. A ngaihsutna uh ah’ thupi asak kei leh koihcip ziau lel pawl khat om uhhi. Pawl khat in ahih leh dikasakna bangtektek thalnial ngam lel hi. Tua man in (A noble way of life is needed to maintain our human values and dignity) Milian Mihau, Mipil khat in amin leh vaang akepcing zawhna ding in amanphat in Dawltungtuang khuasakna lam hil kholhna khangno deih diksakna te tungah koihpiak siam na in manpha sak hi.

Socialism leh Materislism

Milian’ Mihau, Mipil khat in thuneihna (Socialism leh Materislsm) kiukna gam aminam khangsawn te makaih lamhil in aom gamte atawntung in tualniam den uhhi. Tualniam khanggui kizom aminam tung ah pai mualsuak gamtampi om ahihi. Banghiam cih leh Mipil Mihau Milian khat in (S&M) sm tawh angaihsutna khello a, a om bekbak niloh man in agam leh aminam te nuntak zalen khuasaknna pilna, leh siamna ah amasuan uh khaktan niloh hi. Dawltung tuang khuasak nading khangno te kilam etna leh upna tha neemsak hi. Namdangte bang in adawltuan zawhna ding amah leh amah kikhuang khohna kik khuasakna (noble principle to gain confidenece) thapiak siam ding ikisam hi.

Zomi khat in Zomi ahih na tawh nun khuasakna apicing tha hatna alak hun laitak in Mipil, Mihau, Milian namdang mi ahilo khat in hizolo ding hitheilo ding, piang ngeingei loding cih cih niloh tawh akampaupau leh aminam gu abuak niloh ahihi. Hizo ding hi, Piangthei mah hi, Natup uh hanciam in hi le uh makitunzo ding hi cih thupha pia nuamlo mipa tawh kibang hi. Khangthak thupha lamkhak ding in akithawithawi Dawi kungpu sialki le nei tawh kibang hi. Kiphuisam niloh kampau sang in Kithupha piak na masuan kihon na ding abulpi aki tawhphah (must choose a rational and meaning ful way of life based) siam kisam hi.

Upmawh sansat upna leh Khanglui lua thumuhna.

Ei khan hunsung eitheihna muhkhopna leh ituahkhak thucin thutang up mawhsan na mythological leh akhanglui hun ngeina dan a (Traditional practiecs and theories ) kohun in hite omlo cih pen dik na pi akhial hi. Nidang in khualu leh khuataw zong tangko baba in thuvai hawm hi a, thu akizak theih nading daaktal maw, Lawiget, Lawikii maw tum mut masa hi. Tuhun teh om nawnlo hi. Nidang a, aomlo tuhun thu kizakna lai kikhakna te maan kikhak na te tuma 19 century hun Japan galhun khawng in Zogam ah kigen leh kua mah in um hetlo lel ding ahihi.

Zomi pen tuhun madiak a piang hi aci mi peuhmah in amuhna azakna agen uhhi a, Tuhun leitung khuapee khuak zatna amanlanzia aki theihma in ahih ci ding Pasian in tangtawng in akoih sa hih man in Zomi tangtawng pekpek pan aom khinsa tu in athei khia pan hi -in iphone nam tawh kibang in van amucil amukha pan ki om ahihi. Thukizakna iphone pen aom ma in Pasian in mipil miciim te khuak sung ah akoihsa hi a, tuhun teh hongpusuak nisuak mucil abang ahihi.

Tua mah tawh kibang in asian koihsa minam min Zomi hong pusuah pen mipil te hi uh a, amucil azacil te in lamdang sa ngeungau liang hi. Tumadiak a hongpiang hi ci uh hi. Ahihhang Pasian in Mipil te khuak sung ah Zomi akoihzawh sawtpi na hi zelhi. Nammin kiciantel diktak gen khiat hun atun teh amah leh amah ZOMI hing ei cih akikhuang khohna tawh zalentak in Zomi nam te kampan in kiphulak khia sak Pasian inei hi.

Ahizong mi khempeuh in ama theih na muhna kopciangciang ahihzawhna tantan zalentak gen theihna om hi a, Zomi khangno te khantohna ding kilem etna ah athubuai, akinok, akaihpaan sak lohna i kisam hi. Khuahun zui in van kikhel, nate kikhel na dung zui in khangno te kikhelsak siamna ding lam hil kholh na thupitak neih huai mahmah hi.

Thukhupna:

Tua hi in khangno in alametna gam leh nam ah masuan aneihna kipawlna tuamtuam min te ahi anam kim min te ah’ Zomi tawh thahatna alak hun nation khat tup leh gim aneih hun laitak in akhangham khinsa te in azahtak huai bangtak leh khangno nuntakna dawltung tuanna kilam etna telsiam sak ding vaipuak inei hi. A thutawh kiton in dikpen leh avangkim masuan kihonna lam hilna piak den siamkul ahihi.

Hau Thang