Pu Trump in Executive Orders 4 letmat thu

Coronavirus breaking news: Pu Trump in Executive Orders 4 letmat thu

Coronavirus stimulus bill vai zani (Friday) ciang Democrats te tawh thu kimna ngah zolo uh ahih manin Pu Trump in agensa mah bangin tuni White House briefing abawl zawh lian ciang Executive order 4 sign thu ta hi. Hih executive orders teng pen nung CARES Act pan aki khanto (extend) kik vi ve ahi hi.

Pu Trump ii letmat athu khiat Executive Orders 4 teng:
EO#1) Deferral of the payroll tax: Payroll tax tawh kisai executive order sign thu hi. Payroll tax i cih ciang i nasepna paycheck pan hong kila/dawk khia (cut) social security, medicare leh federal income tax te ah i piak den sum te ahi hi. Hih hangin i nasepna paycheck pan nasem mipi te khut sung sum lut hong tam tuam ding ahi hi.

EO#2) Federal Unemployment insurance benefit (FUI) extension: FUI pen ani kikhanto (extend) kik ta aa nipi khat $600 pan $400 ah kiam suk hi. Unemployment angah khempeuh in mai payment ah $400 ta hong lut kik ta ding ahih manin lungdam huai mahmah hi

EO#3) Extension of eviction moratoriums (Eviction protection): hih pen COVID-19 hang aa innsap leh inn man (Mortgate) pia zolo te a inntek te leh inn nei ten hawl khiat theih loh nang thukhun (law) abawl uh hi aa, ki extend kik ta ahih manin mi tampi in phattuamna, lungmuanna ngah ding uh ahi hi.

EO#4) Deferral of student loans (Student loan payment relief program): hih pen sangkah na ah student loan ala khempeuh in kha 6 sung interest piak loh ding leh payment piak loh ding abawl uh hi aa, Cares act pan extension abawl kik hi in student loan la khempeuh in phattuamna ngah ding uh ahi hi.

Adang update tuam tuam te tunitak ZIUSA talkshow ah akicing zaw in hong taangko khia ning in akua mapeuh 8:30pm (Easten time) in “https://www.facebook.com/ZomiCommunityUSA/” ak kimu tek ni. Thomas On Sian Mung (Thomas Mung Guite) Washington D.C August 08, 2020 Momno Media & Museum