USA, Maryland pan Pu Jampau (Kipgen) in hongnusia

USA, Maryland pan Pu Jampau (Kipgen) in hongnusia

Mangpha Pu Jampau Kipgen (Kum 85) – USA gam Washington DC Area,Maryland aa ateeng Pu Jampau Kipgen in abeisa June 18,2020 in tuap natna tawh hongnusia chih thu izaakmanin ZIUSA kipawlna mintawh dahpihna i pulak hi.

Pu Jampau pen USA gam tung a hong nusia Zomi khat ahihmanin dahpihna lainatpihna lahna in ZIUSA kipawlna in paakkual $150 man khat tawh mangpha khakna kinei ding hi.

Pu Jampau luanghawm tawh anunungpen hunzatkhop ding hong tung ding Tuesday June 23,2020, 10:45am in Meadow Ridge memorial Park,725 Washington Blvd,Elkridge,MD 21075 ah Rev.Dr. Saw Ler Htoo leh Rev. Paul Chin te in vuina nei ding hi.

More: USA, Maryland & Delaware sungah mi 6 thautawh akappa kimankhin

Pu Jampau hong nusiatna hang in azi ata te leh tanau meltheih khuapih tuipih beh leh phung akuamakhempeuh hehnemsiampa Kha Siangtho in alamdangin hong hehnem ciatta hen! Dahpihna Lianpitawh, Mun Mang (Genvai tanupi, Zomi Innkuan USA, Inc)