Pu Biden impeachment tawh thu kibawl kik

Breaking: 1) Pu Biden impeachment tawh thu kibawl kik 2) Texas state in Biden Administration tung Federal court ah thu bawl

1) Democrats lam pan Pu Trump impeachment bawl ding a vaihawm tei tei uh ciang Republicans lam pan zong thuh kik ding vaihawm uh aa, January 21 ni in House Congress ah GOP Rep. Marjorie Taylor Greene (R-Ga.) in Pu Biden thu bawl na “Article of impeachment” pen officially in puak to (tin to) khin ta hi. Hih thu bawlna ah Pu Biden in Ukraine tawh thu manlo in na asepnna leh ata Pu Hunter Biden pen Russia leh China tawh thu manlohna tampi asepna te phalna in power zang khial cih te kihel hi.

Hih article of impeachment pen Pi Nancy in bangcih vaihawm ding hiam kithei lo aa, Pawlkhat in belh Pu Trump impeachment bawl tei tei na pi uh in Pu Biden aa na bawl kei uh leh ki balance (ki kim) lo ding hi ci hi. Pu Biden Kumpi tutphah ah atut zawh ni khat zawh lian ciang hih thubawlna impeachment hong piangkhia ahi hi.

2) Texas state in Pu Biden Administration ni khat acin ni in immigration tawh kisai Federal court ah thu kibawl pah hi ci in Texas Attorney General Ken Paxton in zanni January 22 ni in pulaakkhia hi. Federal court ah thu abawl na sungah 1) US immigration law tawh kituak aa nasemlo in amau deih bangin executive action thu in nasem uh aa, immigration law zat ding tawh kisai Congress te kuppih lo 2) Law tawh kituak lo aa agamta akimaan illegal immigrants te amau gam tek ah puak kik na deportation din khawl sak 3) Texas southern border aa akilam “border wall” pen Texas state kuppih loin din khawlsak cih te leh US thu khun tawh akituak vet lo US gam sung guklut illiegel immigrants 11 million te citizenship piak ding cih te hangin thu akibawl hi ci uh hi.

Pu Biden Kumpi hong kah zawh ni 2 sung thu tampi tak piang in buai mahmah uh hi. Kumpi suah zawh ni 2 sung impeachment kibawl pah aa, Federal court ah thu kibawl pah ahi hi. Ni khat sung executive actions 17 thu aa, tulai tak Congress Republicans te tawh buai mahmah uh hi. Canada tawh akizom Keystone XL pipeline project teng din khawl sak ahi manin nasep 20,000-40,000 kikal bei mang in nasep nei nawnloh uh aa, Mexico gamgi aa akilam border wall din khawl sak ahih manin gamgi pan mitampi hong guk lut thei ding ci uh hi.

More: Pu Trump impeachment tawh thu bawl ding vaihawm tei tei uh

Federal minimum wage (nasep na ah nai tha) $ 15 ah koih to ahih manin ansai (restaurant) leh small businesses tampi ten nasem te kha sum pia zo nawnlo ding uh leh profit (meetna) ngah nawnlo dinguh ahih manin nasep (businesses) tampi kikhak thei ding cih uh hi. Covid-19 vaccine hawmkhiat ding pen Pu Trump hun aa agelsa uh leh alei sa uh 100 million te hawmkhiat ding cih bek kihel aa, Pu Biden kumpi in gelna thak banghmah nei lo uh ahih manin News briefing bawlna ah news reporters te tawh kisel keei uh hi.

Pasian deih loh nauphiatna leh ekbuk thum koih ding cih agel sawm na te hangin adang te tawh abuai mahmah lai tak uh ahi hi. Bang thu teng hong piang to to diam cih en to to lai ni. Update news khah to to ni. Thomus Mung