Party vai hilo, gamvai
Ih gam (Naiganzii) vai pen Party vai tawh kibang mawk hi. Tulaitak i buaipih pen gam vai hi in, Democracy/Communism/ Socialism/Dictetorship – MAL Galkap ki-ukna cihte hi phot a, gam bangci ki-uk ding cih ahihi.(NLD/USDP/ZCD cihte hinailo hi.)
Party vai cihpen NLD/USDP/ZCD /(party 193)te hi a, hih atung a gamvaite sungah amau gam uk nop dan, amau gam kalsuanpih nopdan tawh lungsim kituak teng kipawlna gamvai nuai a party tuamtuam ahihi.
Tua ahih manin tulaitak Democracy deih teng khempeuh kipawl khawm a, Dictatorship MAL’ Galkap ki-ukna i do khop ding hun hi napi, ei Party khatlekhat i kido i kigen siatsiat ciangin Democracy thahat ding zahin kihat zolo mawk hi.
Lelh bel kilello lua ding hi. Banghang hiam cih leh, ”Isreal te adingin Pasian in dosak hi” a cih mah bangin, ei Kawlmi Zomi Mualtungmite adingin Pasian in hong dosak taktak ding hi..Halleluijah, Amen!
Mualtungmite i lungtup, i PulehPate lungtup ahi, Federal Democracy (Pinlong Agreement) i ngah khit ciangin i Party ciat ah ciahkik a, i Party vaite sem ciat in, kum 5 ciang khat vei Meekuang lui dingte i hihi. (Tua hun ciang party khatlekhat kigensia thei, ci mai ni)
Leitungah a minthang vangvang Human Rigths (deih teeltawmna sehtan/akhuan a zii) cihpen Adam tungah Pasian thu piak masa pen khat ahih manin, Democracy mah Pasian thu tawh kituak pen le thupi penpen hi. Ki-ukna a man ciangin Pasian thu, gupkhiat lungdamna thute zong suakta takin kigen theipan mawk hi.
Ih gennop bulpi in, tulaitak ih buaipih pen Party vai hi dihdih lo in Gam vai ahihi. Tua telsiam peuh leng Party khatlekhat ih ki dodo nawn kei ding hi. Topa Pasian in Zomite hong hehpihin, hong ompihin, hong zawhpih taktak ding upna leh lametna i nei hi. Amen.Halleluijah. Thang Do Khen
Comment piaknop aomleh...