Najib thusitna thuakding in Kuala Lumpur Court ah tungkhinta
Datuk Seri Najib Tun Razak pen tuni Wednesday zingsanglam in Kuala Lumpur Court Complex ah tungkhinta hi. Malaysian Anti-Corruption Commission (MACC) panin akizakna ah Najib thusitna amakaihding pen Attorney General Tommy Thomas leh Prosecution Team te’n makaihin thusitna neiding uh cihi.
Wednesday zingsangtunglam in Najib pen Lockup akikepcipna Malaysian Anti-Corruption Commission Headquarters panin Jalan Duta Courts Complex zuandingin ki paikhiatpih cihi.
Proton Inspira mawtaw asan khat sungah ki tuangsak in, MACC Building panin zingsanglam 7:37am hunin pusuak khiakhinta uhhi.
Najib thusitna abawlding Prosecution Team pen Attorney General Tommy Thomas in makaihding a, tua Prosecution Team sungah Datuk Mohamad Hanafiah Zakaria, Manoj Kurup, Datuk Suhaimi Ibrahim, Datuk Umar Saifuddin Jaafar, Datuk Ishak Mohd Yusoff, Donald Joseph Franklin, Muhammad Saifuddin Hashim Musaimi, Budiman Lutfi Mohamed, Sulaiman Kho Kheng Fuei, Mohd Ashrof Adrin Kamarul, Muhammad Izzat Fauzan cihteng kihelding uhhi.
Najib pen akiman ahih hangin thongpuan “Orange Prisoner Uniform” bel kisilhsaknai samlo a, ama puansilh Blue Suit leh White Shirt tawh Court sungah zingsang 9:05am hunin alutlam kimuthei hi.
Najib thukhenna pen kilunglut mahmah ahih manin, thukhenzum ii apualam ahzong Media te dimzihziah uhhi. Jalan Duta Courts complex ah Najib alutphei taktak ciangin Media te, Reporters te kiphuphei ziahziah in, mipi tawmvei ki gamlum henhan manhi.
Video: Embattled former prime minister Datuk Seri Najib Tun Razak arrived at the Jalan Duta court complex in Kuala Lumpur around 8.25am on Wednesday to face several charges in connection with the 1MDB scandal.
Police Officers te’nzong mipi limtak in Checking bawlciatciat uhhi. Uipil “Canine Unit” tezong zang uh a, Court Complex sungah alut mawtaw khempeuh limtak in Metal Detector zangin sitciatciat uhhi.
Najib thusitna akibawl nading Kuala Lumpur Court Complex huangsung ah Najib apanpih Supporters pawlkhatzong kimuthei a, Placard tawikawm in dinglenglang uhhi. Najib atunding ngakkawm in “Allah selamatkan kamu” (God save you) cih la sa uh a, zingsang 5am hunpawl akipan Najib Supporters te’n angakin omkhin uh kici hi.
Najib ii azi Datin Seri Rosmah Mansor zong zanni zankim 12:05am hunpawl in Jalan Langgak Duta aomna innpan in mawtaw khattawh vakkhia cih kiza hi. Ahi zongin koi ah pai hidinghiam cihpen kitheicianlo cihi.
More: Malaysia zuandingin apai Myanmar gammi 40 tak Thai gamsung ah kiman
Tulaitak Malaysia gamsung ah Najib thusitna vaipen kilungluttek mahmah hi. Pawlkhat in banghangin Najib akhut kol kibulhsak lohiam, banghang thongpuan ki silhsak lohiam ci’n aphunphunzong omkhin uhhi. Sawltak #zomidaily
Comment piaknop aomleh...