Malaysia Police te’n mawtawhawl khat thautawh akapna Video ki khahkhia

Malaysia Police te’n mawtawhawl khat thautawh akapna Video ki khahkhia

Malaysia, Kuala Lumpur sungah mawtaw nambat “Car Number Plate” akimlo khat palik te’n amuhkhak uhciangin muangmawh uh a, akhawl saksawm hangin khawllo in taisuak teitei ahih manin, palik te’n thautawh kap uh cih theStar pan kiza hi.

Tua mawtaw nambat akimlo ahawlpa pen miginalo hiding in ki ummawh a, palik te thupiak mangnuamlo in mawtaw hatsak semsem in palik te’nzong anungpan delhpah uhhi. High-speed tawh akidelhna pen Old Klang Road panin PJS 5 manawh in akidelh uh kici hi.

Zanni Thursday ni in thupiang kici a, Taman Medan Area sung atun ciangin mawtaw pen atainading omnawnlo in palik te’n amatsawm laitak Video kizaihkha in, Social Media tungah ki thehzak hi.

Tua Original Video akizaih pen Second 51 bek sawtin, tua Video sungah Proton Persona mawtaw khat palik te’n khawlsak uh a, ahawlpa pen hong pusuak in ci’n otsan in thupia uhhi.

Ahi zongin tua mawtawhawl pa’n palik te thupiak pen awlmawhlo in, a mawtaw nungkiksan in taikhiatsan hi. Anungkinna ah palik te mawtaw nawksak cihi. Tuaciang in Police te’nzong thautawh kap kipanpah uh a, tamveipi kapphangphang uhhi.

Police te amauleh amau akidal nading “Self-defence” kawmleh Warning piaknakawm in akigawm in 9 veibang thau kilawnding kici hi. Ahi zongin mawtaw hawlpa pen kapkhalo in, mawtaw tawh taisuak hi.

Video: Chase, shots fired after suspect rams vehicle into patrol car

Hih buaina akipatna pen Scott Garden gei ah Brickfields Police mawtaw khat Number Plate akimlo amuh uhciangin muanmawhhuai sa uh ahih manin, khawlsaksawm uhhi. Ahi zongin tua mawtaw hawlpa in khawlsaklo in, taisuak vingveng ahih manin, Police te’nzong mawtaw 2 tawh delhpah uh a, tuapan in akidelh suaksuak uh ahihi.

Hihvai tawh kisai in City police chief Comm Datuk Mazlan Lazim in agenna ah tua mawtaw hawlpa pen thusitna akineihsawm laitak in taisuak in, palik mawtaw zong hongnawksak ahih manin thautawh akikap hi ci’n genkhia hi.

More: Malaysia palik khatin numei khat alet hiathuat laitak Photo kithehzak

Tua mawtaw hawlpa pen a mawtawzat munkhat ah nusia in khetawh taisuak a, tudong kimanzo nailo cihi. Tua ahih manin, khuasung mipi te’n atheikha na om uhleh amanlang in Police te hong zasakpah un ci’n genkhia hi.

Tua anutsiat mawtaw pen Forensic Team te’n hoihtak velcian uh a, tua mawtaw pen 2015 kumin akigu ci’n Report akibawl ngeikhat nahi sawnsawn hi. Sawltak #zomidaily