Malaysia, PJ sungah lamzikpi khakcip in singkung puksuk, mawtaw 4 dengkha

Malaysia, PJ sungah lamzikpi khakcip in singkung puksuk, mawtaw 4 dengkha

Malaysia, PJ (Petaling Jaya) vengsung Jalan Lapangan Terbang Subang aom singkungkhat abulpan kilongkhia in, lamzikpi khakcip in kipuk citciat hi. Tua singkungpi apuk hun laitak pen nitaklam nasem te aciah ngeingai laitak, Rush Hour hunsung hisawnsawn a, lamzikpi tungah mawtaw tampitak awkcipsak cih NST pan kiza hi.

Tua singkungpi pen tuni Wednesday nitaklam 5.26pm hunpawl in apuk hi a, lamzikpi tungahzong mawtaw 4 tak dengsiakha hi. Ahi zongin kamphatna tawhmihing asi leh aliam kuamah omsamlo hi.

Civil Defence Department spokesman khatin agenkhiatna ah singkungpuk cih akitheih ciangin Petaling Jaya, Klang leh Local Council panin nasem mi 10 val bangin tua singkungpen kitankhia, ki hemkhia in, lamzikpi akitawnthei dingin hepkhiat kipanpah hi ci’n genkhia hi.

Singtanna Chainsaw te 6 bang kizangin asep ngekngek hangin, nitaklam 8:30pm hunpawl inzong tua singkungpi hepkhiat, lamzikpi siansuahpen kimansiang nailo hi. Lamzikpi tungah mawtaw te’n atottheihpak dingin Lane khat kihonsak in, tuadungzui in mawtaw te kipaisak hi.

Adiakdiak in mawtaw tawh anawkkha, Kampung Subang leh Sultan Abdul Aziz Shah Airport zuanin apai tepen awkcipsak in Traffic Jam huaisia mahmah hi.

Video: An uprooted tree, which fell across Jalan Lapangan Terbang Subang today, brought the evening rush hour traffic to a complete standstill. Four cars were badly damaged in the 5.26pm incident. Fortunately, no one was injured. A Civil Defence Department spokesman said more than 10 workers from Petaling Jaya and Klang, as well as the local council were involved in the clearing up work.

Hih singkung apuklaitak amukha ageinai Old Subang Airport Road aom khatin agenkhiatna ah amahpen ageinai Apartment Complex khatah aom ci a, nitaklam 5:40pm hunpawl in tua singkungpi akipuksuk cihi. Guahtui tamlua mahmah in, huihtawh kithuahkawm a, tuaciangin tua singkungpi pen abulpan in kilongkhia in akipuksuk cihi.

Subang lam azuanding mawtaw khempeuh ki khakciplian in, Ara Damansara azuanding te ahihleh Emergency Lane tawnin paitheisam cihi.

More: Singkung pukin mawtaw 2 dengkha, mi 2 sipah in adang mi 3 liam

Singkungpi apuksuk ciangin anuai ah Honda Civic khatleh Perodua Kancil mawtaw te dengsia khalian in, adang mawtaw tampizong dengkha ci’n theStar te’n pulakkhia uhhi. Honda Civic sungah atuang mawtawhawlpa pen pusuakkhia theilo in, naikhat sungbang mawtaw sungah awkcip kici hi. Malaysia Civil Defence Force (MCDF) tezong ahunlap in aphual ah delhpah in lamzik siansuahna te ah huhpah uh cih kiza hi. Sawltak #zomidaily