A omna mun theitakei lecin thungetna tawh na honkhiathei hi ~ Tdkhen

A omna mun theitakei lecin thungetna tawh na honkhiathei hi ~ Tdkhen

Kenya gama Mau Mau te tapong a din lai 1060 kumin Missionary nih, Mutt Lora leh Higgens te zankhat Mau Mau te’ omna gam kantan sawmin Nairobi hong zuan uh hi. Mau Maute in ahihleh Kenya mite leh missionaryte a thah nop dan uh kibang lel hi. Nairobi khuapi pan tai 17 pawl a gamla-ah a mawtaw uh Land Rover hong sia mawk hi.

Higgens in a bawl’ bawl hangin a mei mitin pai thei nawnlo hi. Amau zong mawtaw sungah giak lel uh hi. Tua bangin Late 48 sung tawh a kihehnem lel uh hi. A zingciangin a mawtaw uh bawl thei-in a pai nading uh a tung thei uh hi.

Nipikal tawmcik khit ciangin Higgenste a khuan la-in America ah hong ciah uh hi. Amau in a khualzinna lamkal-a a tuahuh, Nairobi khua Pastor, a mau vaitun delha pai kiangah a gen uh hi. Tua thu a gen’ciangin Pastor in zong, Mau Mau pawlte laka khat in a thugen khat, Higgente’ mawtaw bawl lai thah a sawm’ thu uh leh that dinga a pai’uh ciangin mawtaw kiimah mihing 16 a om’ manin that ngam nawn lo-in a kilehkik thu uh a na gen uh ahi hi.

Pastor in mi 16 ci-a a gen’ciangin, Higgens-te in, “Bang na cihnopna uh hiam, thei kei ung” ci-in dawng uh hi. Amaute lak panin thu-ummi mahmah Clay Brent in a dong pha hi. Higgenste in, “Banghangin maw” a ci hi. Clay in a genna ah, March 23 ni-in a lungsimah thungetnopna Pasian in a guat thu a gen hi. Amah in zong Pawlpi mi 16 tawh a lungsim gikpi a kilakkhiat matengin thu a ngetpih pih ahi hi.

More: Malaysia biakpiakna, thungetna munte ah a ngongtatsawm mi 7 kiman

Pasian in Vantungmite 16 tua thungente’ taang’in Higgenste’ mawtaw kiimah ding sak hi ding hi. Pasian in a mite cing dingin thungetnopna a nei ding mi om sak a, tuate’ hangin nalamdang tampi vantung in a lak khia hi. Ih vei’te leh kisam i sakte thu i ngetsakleh ei’taang’in Pasian in vantungmite hong na sawl’sak ahi hi.(Missionnaryte & Khamangthangte, Thu-um mimalte, a manphatna uh kikimin, Pasian’itna kibang hi..Johan 3:16). Tdkhen