US, Kentucky State sung aom UPS Facility ah apuakkham nasia mahmah om

US, Kentucky State sung aom UPS Facility ah apuakkham nasia mahmah om

USA, Kentucky State sung aom UPS (United Parcel Service) Parcel kikhakna te ii Facility ah apuakkham nasia mahmah om cih Fox News pan kiza hi. UPS te mawtawzat te aki puahphatna “UPS vehicle maintenance facility” ah Wednesday ni in apuakkham ahihi.

Officials te genkhiatna ah hih UPS Facility puakkhapna hangin mi 2 liam uh a, tuatepen Local Hospital ah kipuakpah cihi. Tuaban ah adangzong mi 6 peuhmah Hospital kipuakding a, tuate pen ki dalkholhna Precaution in akipuak uhhi ci’n Lexington fire battalion Chief Jason Wells in genkhia hi.

Aliam tepen Hospital akipuak laitak in khua phawk uh a, asihlawh liangdingin ahuaisia aliamgawp cihbang kuamah omlo uhhi ci’n thunei te’n genbeh hi.

Blue Sky Parkway geinai aom UPS Facility ah apuakkham aom ciangin Lexington Police te’nzong delhpah uh a, hihpen Accident in apuakkham hi ci’n Lexington Police te’n genkhia uhhi.

Video: A Kentucky fire official says about a dozen people received medical attention after an explosion damaged a UPS freight hub in Lexington.

Welding Tanks panin apuakkham hiding in ki ummawh a, apuakkhampen nasialua mahmah ahih manin, inntungkhuh Roof tengzong vangkhia heuhauliang hi ci’n Lexington fire battalion Chief in genkhia hi.

Banghangin hihbangin Welding Tanks panin puakkham theihiam cihpen hoihtak kancianna Investigation kibawllaiding cihi.

Tuciangciang aki kankhiatna ah hih UPS Facility puakkhapna vaipen aki sawmngiat, aki puakkhamsak cihlamsang hilozaw in, tuahsiatna tawh Accident in apuakkhamkha hiding hi ci’n thunei te’n genkhia uhhi.

More: USA, Kentucky sanginn khatah thaukikap, sangnaupang 2 si, adang 18 liam

Apuakkham pen khauhmahmah, huaisia mahmah ahih manin UPS Building zong limsiatzan mahmah hi. Tuaban ah meikuang zong tawmvei omman, kuangman in ahih zongin ki phelhkik theipah cih kiza hi. Sawltak #zomidaily