Belgium gamsung ah thautawi pasal khatin mi 3 kaplum, amahzong Police te’n kaplumpah
Europe, Belgium gamsung ah thautawi pasal khatin mi 3 kaplum cih AFP pan kiza hi. Tuesday ni in Belgium, Liege City sungah thupiang hi a, thautawipa ii akaplup te lakah Police Officer zong 2 kihel uhhi. Asi mi 3 te banah adang Police Officer 2 zong liam uhhi.
Hih buaina apianna munpen Belgium gam ii khuapi ahi Brussels City panin 90 km (55 miles) agamlatna aom Liege City sungah Tuesday zingsanglam 10:30am hunpawl in thupiang ahihi.
High School sanginn geikhat ah thupiang hi a, thautawh mi 3 akaplumpa zong Police Officer te’n kaplumpah uhhi. Liege prosecutors office panin Spokeswoman asem ahi Catherine Collignon in agenkhiatna ah hihpa gamtatna pen bang deihna, bang ngimnahiam cihpen akician in kithei nailo hi ci’n genkhia hi.
Media dangte genna ah tua thautawipa in niangtuisai Cafe sungkhatah Police Officer mi 2 akaplup khitciangin taikhia vingveng hi. Lycee Waha school kici sanginnlam zuanin taikhia in, tualai ah amuhkhak innphiat numei “cleaning lady” khat Hostage in amatbawl cihi.
Video: A man has shot dead two police officers and a nearby driver in the eastern Belgian city of Liège. The gunman took a female cleaner hostage at a school before being killed by police. Two other police officers were also injured.
Ahi zongin tua thautawipa pen Elite Police Unit te’n kaplumthei uhhi ci’n Prosecutors te’n genkhia hi.
Belgian Interior Minister Jan Jambon inzong agenkhiatna ah hihvai tawh kisai in Belgium’s Federal Crisis Centre te’n a etcik laitak hi a, asi innkuanpih tetawh kibangin kadah mahmah uhhi. Bangthu bangla hangin hihbangin mi 3 tak kaplumhiam cihpen aki kanciansan laitak hi a, athu akitheihcian ciangin hongki pulakkik dinghi ci’n genkhia hi.
Belgium gampen abeisa 2015 kumkhawng akipan migilo te’n mitsuan Target in ngimbawlden uh ahih manin, aki gingsapian in High Alert in aomden uh ahihi.
More: Belgium Airport ah anasia mahmah in nihvei kizom apuakkham om
2015 November khasung in IS kici Islamic State migilo te khutlum tawh France, Paris khuapi sungah mi 130 takin sihlawh uh a, tualai ah amakai Mastermind pen Abdelhamid Abaaoud kici a, Belgium gamsung Verviers Town sungah thupiang tawh kizopna om kici hi.
Tuaban ah Belgium gamsung aom Metro Station leh Brussels Airport te ah IS Suicide te ngongtatna hangin mi 32 takin sihlawh uhhi. Sawltak #zomidaily
Comment piaknop aomleh...