Phuitong ~ Mungpi

Phuitong ~ Mungpi

Tangkhua hong khal in, huihkhi hong laang hiauhiau aa, khua lah vot pian, khuamui zongh hong kaai,,, Ka om na ka kiim ka paam ka et leh, ‘Phuitong’ paak zihziah ka muh ciang, ‘Lungdam bawl’ hong nai ta hi in teh maw ka cih leh………

Ka lung hong leeng aa, ‘Biakinn’ dak ging te ka bil kha in za cuaicuai in, thangsiah thangvil, kel an lo, vok an pua aa ka pai na, sailung leh sailungtang tampi tawh, ‘Phuitong’ paak bawm vasa te ka ben na mun, mimbang pian na tuunnu Zogam tawh a mual zatam ii hal na mun, singdang gamlei minthang USA a tung na hi zen ingh aa…,,,,

Sak mel theih loh, mivom mikang, a sang dengdang, a tom belbal, a niam keukau, mi zatam te in, Zotaangzuang naubang ka kah na, hui bang ka mau na, ong seih pih song oo veh aw……
Mun cin mun tangah muh na khempeuh ah,’Phuitong’ paak zihziah, hi napi’n a bawm vasa khat zongh om lo, a bawm ding vasa om lo hiam ci leeng om mah hi..’Phuitong’ paak namtui lo hi zaw hiam…..? Ahih kei leh a ne ding a dawn ding zusa vasa te in, a nek ding dang nei zaw hiam….?

A hih kei leh, ‘Phuitong’ in, it na nei lo hiam…? Vasa te’n a it lo zaw hiam…? Pasian thupha piak na minthang USA ah bel, it na ka mu kei aa, minthang ‘Dollar’ bekbek kam gen in ki nei hi.

It na om na mun pian na tuunnu Zogam pan a pai, ei Zomi minthang USA a tung sa te’n ae leh, ‘Itna’ ih nei lai mah hia ,,….? Pasian nasem te na ngawn minthang ‘Dollar’ sila ih suak khin ta hia…?
Zolia ‘Parcel’ te ae leh it na mah bulphuh aa, minthang USA a tung ih hia,,…? A hih kei leh minthang ‘ Dollar’ ngah man bek aa, it na nei a ki neih khem maw…?

‘Hua nu dong leng ”Kei parcel ding” hi nu dong leng ”Kei parcel hi’ng” cih te sungah it na om kei le ki lawm ka sa hi…Zolai parcel aw, na pasal tawh na ki kam tam ciang, ”Ong tai san ding ka hi” na cih te it na mah maw….?

A hih kei leh ”It na in ong tai san maw en tai san” zaw ih hia…? (ThawnKham la)

Bangbang hi leh, Pasian kammal, ‘Laisiangtho’ gen te a tangtung ding hi ta hi in teh.. “Phuitong” te na ngawn a paak hun in paak nawn lo, zusa vasa te zongh, a hun zui in ki khel aa, tuan na ding mun ah tuang lo in, a ut bang un gamta ta uh hi…Tua mah bang in ”It na” nei Zomi te zongh ………..”It na” tawh ki gamla ta. Mungpi