Phone tawh kisai a thupi nam (3) ~ Job Cinpi

Phone tawh kisai a thupi nam (3) ~ Job Cinpi

1. A phamawh hopihna

Phone tawh kikalh ahi zongin 122 kimek thei lai veve hi. Phone line omna munah hih 122 na mek ciangin na kiang nai a om, nang tawh a kinai pente phone tawh kizopna ahi hi. Hih 122 pen dongtuahna munah zong hong huh thei khat ahi hi. Na kiangah midangte phone khat om napi a phone tawh na kikalh ahih manin na lawm na gualte kiangah huhna na ngen thei kei ding hi. Ahi zongin tawh a kihong thei kei zongin 122 na sap leh nang tawh a kinai khatpeuh kiangah na phone lut dinga huhna nangen thei kha ding hi.

2. Cihmawhginna betthi

Thuphamawh khat na gen laitakin na phone betthi dawng a hiam, na gen nading betthi a om nawn lo zaw a hiam, tua bangin na dongtuah ciangin cihmawhgin nadingin a kikoih pawlkhat na phone sungah om lai veve hi cih phawk in. Tua cihmawhginna pen *3370# na mek ding ahi hi. Tua hi leh na phone betthi a lang dektak bang hong dim to kik ding hi. Tua pen betthi na tuan kik ciangin ama thu-in dim kik ding hi. Cihmawhginna ahih manin zat pahpah ding hi lo hi.

3. Phone khakna

Na phone sungah midangte na theihsak nop loh thusim lasim ahi a, theihsak nop loh mawkmawk ahi zongin na nei kha thei ding hi. A zenzenin tua na phone mangsak le cin na phone sunga om khempeum hong kitheihsam ding hi. Thusim na nei kei zongin na phone sunga na zat na FB, na gmail cihte hong kizatsimsak thei ding hi.

Na phone nambat zangin na minsiat nading, a hoih lo kibawlsiat theihna nam tuamtaum zang thei kha ding uh hi. Tua ahih manin na phone a man khak zenzen leh a mute a gute in a zat theih loh nadingin na hih theih khat a om hi. Phone na lei ciangin *#06# mek inla tua khit-a hong suak nambat sawm le nga te laidal khat sungah ciamteh den in. Hih nambat sawm le ngate pen na simcard nambat ahi lo, na phone ading aituam nambat ahi hi.

Na phone hong kilaksak ahi a, na mansuah ahi zongin midangte khut sungah a kizat theih loh nadingin kizopna phone sumpi ah hih nambat na khaksak un, ci-in kigen thei hi. Tua hi leh na phone bek ahi lo, na simcard nangawn a kilakkhiat man kei leh kikhakcip ding hi. Job Cinpi (Zomi Laisim Nuamte)