Philippines gamsung ah abeisa June 30 ni akipan Rodrigo Duterte in President hongsemto a, Election Campaign hunlai in akamciamsa aommah bangin agamsung ah guihtheih khamtheih azangteng leh azuakteng siansuah ngekngek hi. Tuabang in asiansuahna sungah aki kaplum aki thatlum pen mi 2000 bang phatota cih Reuters pan Tuesday ni in kiza hi.
Hih Philippines President Rodrigo Duterte ii nasep pen agamsung ah guihtheih khamtheih abeisiangsak nuam ahih manin, mi tampi in thukimpih in panpih mahmah uhhi. Ahi zongin Rights Groups tuamtuam leh United Nations te’n hihbang in mihing nuntakna athahlupgawp pen thudiklo hi ci’n mawhsakna nei uhhi.
U.N Human Rights Expert mi 2 inzong nungdiak in mawhsakna nei uh a, ahi zongin President Rodrigo Duterte in hih guihtheih khamtheih azuakte hangin ka gamsung uhah bangma theilo khangno tampi in siatlawh cihzong kancian in cihsan hi.
Tuaban ah U.N inpen kagam uh akhantoh nading in bang hongpanpih nahi uhhiam, ka sepsa te uh nong gensiatsiatsak uhsang in kagam uh akhantoh nading in hong panpihzaw un. Tua ahih keileh United Nations kipawlna panin kagam uh paikhiatpihding hi’ng ci’n dawnkik hi.
Rodrigo Duterte in President angahzawh gamsung guihtheih khamtheih zangteng siahsuah ngekngek a, July 01 leh August 20 kikal bekbek inzong Drug Trafficker azuak leh azang mi 900 kithatlup hi ci’n Philippine National Police te’n genkhia hi. Tuapen abeisa kalkhatsung sangin mi akithatlum 141 tamzaw cimawk hi. Tuahi in Average in akituat ciangin nikhat in mi 20 ta aki thatlum ngekngek cihtheih himawk hi.
Anuai ah Photo pawlkhat, Size agol in na etnopleh atungah namek vemaw lawm…
Philippines President Rodrigo Duterte in agam bangciangdong ah hong kalsuanpih diam cih lunglut huai mahmah hi. ZD Sawltak #zomidaily
Comment piaknop aomleh...