Taxi azui Passenger khat apainading atunciang ki phongzo vetlo

Taxi azui Passenger khat apainading atunciang ki phongzo vetlo

Malaysia gamsung ah Taxi azui Passenger khat apainading mun Destination atun ciangin ki phongkhia zolo cihi. Taxi Driver pa’n aphotphot laitak Video zaihin, tua Video Clip pen Social Media tuamtuam ah ki thehzak a, Viral Video khat suak hi.

Hih thupiangpen Malaysia gamsung Johor, Taman Sri Pulai sungah thupiang kici hi.

Passenger pa apainopna mun atun ciangin Taxi Driver in phongphong hi. Amasa in awdam zawdeuh tawh phongmasa a, aki photzawhloh ciangin Taxi Driver pazong lungtom semsem a, otsangawp, anunung ah Passenger papen lokgawpliang in phongphong hi.

Tua nangawng kiphongkhia zolo in, anunung ah Taxi Driver pa’n phongzo nawnlo, acihnading theinawnlo ahih manin, Police te zasak cihi.

Video: A video footage of a taxi passenger who could not wake up from his sleep on reaching his destination has gone viral on social media.

https://www.youtube.com/watch?v=cq7gLcZMcTI

Hih Video Clip pen Facebook tungahzong ki khahkhia in, Comment akhelkhel tampitak kipia hi. Tuabangin Comment apia te lakah zatui vai Medical Knowledge athei te genna ah tua Passenger papen Narcolepsy kici natna anei hiding kici hi.

Narcolepsy cih natna pen “Neurological Disorder” namkhat hi a, tua Narcolepsy in mihing khat ii a ihmutna pen sukhathei cihi. Tua Narcolepsy natna aneikhate pen sunhunsung in a ihmut uh suaklua mahmah in, ki iptheilo, ki khamtheilo zahdongin a ihmut uh suakgawp kici hi.

More: Singapore leinuai Tunnel sungah Taxi atailaitak puakkham, Video kizaihkha

Video na enlimlim dihve, bangci nasa hiam? Khuasung vaklai, Taxi tuanlai in hizahliang in ihmut suakgawp mawkleh, bangcih mawkding? Sawltak #zomidaily