Palik khatin atanu Motorcycle tawh sangkha in apaipih laitak kikaplum
Philippines gamsung ah palik khatin atanu sanginn ah sangkahding in akhaklaitak lamkal ah kikaplum cih Philippine Daily Inquirer pan kiza hi. Tua palikpa pen kum 34 aphakhin khat hi a, Tuesday tuzingsang Philippines, Manila khuasung ah aki kaplum ahihi.
Radio dzMM te genkhiatna ah palikpa pen amin Mark Anthony Peñano kici a, atanu Motorcycle tawh sangkhading in apaipih laitak San Marcelino Street geinai aom Ayala Boulevard tungah thautawh aki kaplum cihi.
Atanu pen Emilio Aguinaldo College ah sangkah hi a, sanginnlam zuanin apai laitak Motorcycle tungpanin aki kaptuk ahihi.
Atanu akidot ciangin atanu in akapte pen amaitang kamumankei ci’n genkhia hi. Tua buaina apianna geiteng ah Caliber 45 Pistol te ii thautang Bullet 10 bang kimukhia hi.
Atanu in Police thunei te tungah agenkhiatna ah apa tawh Motorcycle tungah atuangkhawm uh hi a, khatvei akikap masakhit ciangin thautawi te’n nehphei in tamveipi kapbeh uh cihi.
Apa akikapna thautang khatin ageinai aom sangnaupang pasal khatzong kha ahih manin, Technological University of the Philippines Clinic ah amanlang in kipuak cihi.
More: Philippines ah IS migilo te’n sanginn khat buluh in sangnaupang honkhat Hostage in man
Hih buaina apianlaitak CCTV panin aki Record kha om a, kikapna apiankhit ciangin akapte Motorcycle nihtawh taikhia uh cihi. Ahi zongin CCTV panin thautawh akikaplian laitak suakkhalo cihi.
Palik thukan “Police Investigators” te’n hihvai tawh kisai limkansan mahmah uh cih kiza hi. Sawltak #zomidaily
Comment piaknop aomleh...