Philippines gamsung aom “Resorts World Manila” akicihna Casino kimawlna ah thautawi khatin Automatic Rifle tawh phialkapgawp ahih manin mi 36 bang si cih Reuters pan kiza hi. Tua thautawipa pen amai kituam pasal khat “Masked man” kici a, tuni Friday ni in Gaming Room sungah mipi akapgawp ahihi.
Thautawh aphialkapgawp ciangin Resorts World Manila sung aom mipi te laulau in taikekgawp uh a, mi aliambekbek zong mi 54 bang phading kici hi.
Hih Resorts World Manila kici pen Philippines gam ii khuapi Manila City sung aom hi a, Philippines’ Main International Airport tawhzong kinai mahmah cihi.
Philippines Police te genkhiatna ah tua thautawipa ii azat pen M4 Assault Rifle namte ci uh a, ahi zongin hihpa gamtatna pen Terrorist Attack tawh kizopna omlo ci uhhi.
Hih thau kiphialkapna buaina apiankhitzawh nai 5 khitciangin thautawi migilopa pen Hotel Room sungah apumpi meikanggawp in kimu hi ci’n Police Chief Ronald dela Rosa in genkhia hi.
Police Chief ii genkhiatna ah hih thautawipa in mipi ngimin akap hilo a, Television Screen akaptam cihi. Ahi zongin tuabang in akapzakgawp khitciangin Gaming Room ii asual ah akiphah Carpet te meikang in tua meikhute pen gutawh kihel “Toxic” piang ahih manin, adikkha te nakzo nawnlo in si uh cimawk hi. Asi bekbek akigam in mi 36 pha cihi.
Video etnopleh: Resort World Casino in Manila Philippines Attacked
https://www.youtube.com/watch?v=TOOgsrfTZ7c
Thautawipa pen Hotel Room sungah Blanket puanzapi tawh kituamcip in, tuakhit ciangin Petrol (datsi) kibuak in amahleh amah kihal hiding hi ci’n Police Chief in genkhia hi.
Thautawi migilopa pen si cih akitheihma in hih gamtatna pen Terrorist Attack hiding in ki ummawhtek mahmah hi. US President Donald Trump nangawn in hih pen “Terrorist Attack” hiding hi ci’n ummawh cihi. Ahi zongin IS migilo kipawlna te lampan in bangmah genkhiatna neilo uhhi.
Ahi zongin hih thautawipa pen Terrorist tetawh kizopna omtuaklo ci a, tuaban ah hihpa pen gamdangmi khat hileh kilawm kici hi. Thunei te ummawhna ah hihpa pen guta damiah “Robbery” vai hizawding in ummawh uh a, tuahang inzong thautawh mihing ngimin kaplo a, Television Screen te kapsiagawp cihi.
Video: CCTV footage of Manila casino attack
Tua ahih manin hihpa gamtatna pen Terrorist Attack hilo ci’n Presidential Spokesman Ernesto Abella inzong genkhiakhin hi.
Related: Philippines gamsung ah akizom in Bomb nihvei puakkham, mi 7 liam
Thautawipa pen damiah ataih “Robbery” hiding in aki ummawhna pen athungip Backpack sungah Gambling Chips akigawm in $2.3 Million manneiding guangphitphet cihi.
Comment piaknop aomleh...