India ah Doctor kicianlo khat ii zatuiphim hangin mi 33 in HIV natna ngah
Northern India gamsung aom Bangarmau Town sungah Siavuan khatin satui sutna Syringe khatbektawh cina tampi zatui sunkawikawi ahih manin, HIV lungno kilawhgawp cih Reuters pan kiza hi. Tua siavuanpa pen “unqualified medical practitioner” kici a, ama hangin atawmpen mi 33 bang HIV natna ngahlawh uhhi ci’n Government Official inzong pulakkhia hi.
Abeisa January 24, 25, 27 sungtengin kumpi vaihawmna tawh HIV sitsakna Camp “Government-organized HIV screening Camp” kinei hi. Tualak ah mi akigawm in 566 te Test kibawlsak in, tualak ah mi 33 tepen HIV nei uh cih kimukhia hi ci’n Unnao District sung aom Chief Medical Officer (CMO) asemlaitak SP Choudhary in genkhia hi.
Abeisa kumsung in Bangarmau sung aom District Hospital te ah HIV natna lungno angahkha tampi aki muhkhiat ciangin hih Camp akipan ahihi.
Chief Medical Officer in agenna ah HIV natna angahte koipan bangci ngahkha hidinghiam cih thudotna kinei kawikawi cihi. Tuabang in aki kankan ciangin khuasung ah Doctor khatin zatui sutna Syringe khatbek tawh mi tampi zatui sunkawikawi cih kitheikhia a, tua zatui sutna siangtholo ahih manin, tuapan in HIV natna akilawh hiding cih mukhia uh cihi.
Bangarmau Police Offficial khat ahi Arun Pratap Singh inzong hihvai tawh kisai in tua Doctor papen kikankhin cihi. Tua Doctor papen Rajendra Kumar kici a, ahi zongin tulaitak tua Doctor papen kibucip ahih manin Police te’n akansan laitak ahihi ci’n genkhia hi.
Hihbang in Doctor khat ii gitnat lohna hangin natna akilawhgawp suak ahih manin, tua Doctor papen thu kilimbawl mahmahding hi. Tuaban ah State Government tungah Doctor septheih nadingin Registration abawllo, Medical Practitioner khatin akisin hilo cisawnsawn hi.
State Government Committee te’n hih HIV natna akilawhgawpna ahangpen limtak in akansan laitak uh hi a, HIV natna akilawh Case 33 aomlak ah hih Doctor patawh bangzah ki nahvawhkha hiam cihpen ki limkansan mahmah cihi.
Cina te genna ah tua Doctor papen kum 35 gualpawl hi a, setbing (Bicycle) khattawh khuasungteng ah kileh kawikawi in, nattun, cisa, bukvei cihte zatang nekding leh zatui suk akisamte sunsuk ziauziau cihi.
India gamsung ah mipi Population atamnazah tawh kituak in Doctor pen akicing in omzolo ahih manin, hihbang buaina apiang kici hi. Adiakdiak in khuaneu khuata te ah Doctor asin ngekngek, asiam taktak in asem cihbang omlo in, Unqualified Practitioners pen tampi om kici hi.
More: Chin State, Paletwa kikapna hangin India gamsung ah galtai mi 1400 bang phata
Indian Medical Association te genkhiatna ah India gambup aom Medicine lamsang asinte lakah 45% bangpen hoihtak in Formal Training kahloding uhhi ci’n Estimate genkhia cimawk hi. Sawltak #zomidaily
Comment piaknop aomleh...