Phatngai mihing ka hihi ~ Lengtong Pauno

Phatngai mihing ka hihi ~ Lengtong Pauno

Kum12.mi kahihlai, 1974. in ka U’ nasepna, tai 20. agamla Tonzang ka hawh hi. Ka ciahkikding ciangin ka U in, “Inu tawh naneekkhopding uh na puakzawh ngapzah buhtang puave” hongci a, keizong sialkong inntual kasuahphei teh kanu in: “Hatmahsi teh, Pauno, tangvalmahsi teh” hongcih ding aw…ka bilkha ah zakhin kahih manin, sih le sih ci in, bung1. le pyi 2. (pyi 10.) ka puagiap hi.

Vialcian gunlei pan lamto nisa, Gamlai pan Tungzang gamgi naanglem’ mualdong, inn katun’ cianga, “Hatlua, tangvallua” aci ka tuunnu’ aw neem bekbek ka bengheem in zaza ahih manin, pheiphung asuan’ tan’tan kahi hi. Ka khuakhung uh tungta, ka inn uh ki galmuhta, ka lungsim nuinuimai… inntunga inntualzaang suahpheidingkaal ngaklahlua (Ngalah veng, ka inntual ka suahhun ding: -:) …

… Sialkong inntual suakphei, hongki paupih vetlo, innliim (varenda) tungta, innkongkhak tawh kikalh.(Moleina khatah ahawh nahi) Ka vanpuak buhtangleiden’na, kilumkhuk… kapgawp, awnggawp…ongki zollo ai’hcianga khawlphot. Ihmu phot zawzen, ka u te’n hong phong. Inu hongtungta ci ai’hcianga, dena saang’a azah 7. anasiazaw a kikhuuk… awng..kapgawp. Ka nu’n hong zolzol, hong neem’neemh ahihcianga nipi kalnih (khalang) sung NUAK hizen kai’ve.

Sen lehkik theileng, ka nu’ bulah, NUAK… nuamlai ing haa. Ka lungdam, Munkhai’pa

Video: Nimna dildial ~ Lengtong Pauno

I hihna imin nuntakpih ni

Hpakant suangkhuk aminthan’ mahmah lai in, akhua pan a Halelu- jah thungkuah ipdim tawh apai Zomi pawlkhatin a Halelu-jah uh Hpakan tun’zolo mawk uhi.

Thu umlote’ lakah anne tuidawnding uh hilezong, lungdamko,thungetding zumngaihsutin, thungenngam pha nawnlo mawk uhi.

Tuamah bangin i Zomi makai madawk imipil neihte zong, ikhua itui leh eiteng lakah ki Zomi sak mahmahsam napi uh’n, namdangte’ lak thu vaihawmna sungkhawngah, Zomi hihna, din’pih hin’pih nuntakpihmeel nawnlo mawk uhi.

Manipur Zomi unau, MP MLA Minister te zong, Meiteite’ bulah, Zomi hinawnlo uh, cih thu kaza… I hihna imin Zomi hinpih nuntakpih ni. Ka lungdam, Munkhai’pa