Malaysia, Penang ah thauvan honkhat vaitawh pasal khat matthuak

Malaysia, Penang ah thauvan honkhat vaitawh pasal khat matthuak

Malaysia, Penang aom Taman Bukit Indah vengsung aom innsung khatah Pistol thau pawlkhat, khutlot bomb tangneu Grenade leh thautang honkhat nungdiak in ki mukhia hi. Tuavaitawh kizom in aneiding in aki ummawh pasal khatzong matthuakta cih NST pan kiza hi.

Tua mat athuakpa pen amin Ah Teck kici a, kum 42 aphakhin khat ahihi. Tuapa pen zanni nitaklam 5pm hunpawl in Parit Buntar vengsung aom mawtawvan zuakna Car Accessory & Air-condition Shop panin akimankhia ahihi.

Hihvai tawh kisai in palik thunei ahi Seberang Prai Tengah district police chief Assistant Commissioner Nik Ros Azhan Nik Abd Hamid in agenkhiatna ah tua akimanpa pen tua inndei asaap nunungpen ahih manin, tua thauvan tepen amahtawh kizopna omding hi ci’n genkhia hi.

Ahi zongin tua akimanpa pen thusitna aneih uhciangin tua thauvante pen katheikha keihi ci’n nialden hi. Ahi zongin tuapa pen kalkhatsung Remand tawh Police te’n kemcipding uh a, athu ala limtak in kancianding uh cihi.

Tua inndei pen nungkum December khasung inzong Police te’n khatvei abuluh ngeikhit uh hi a, tuahun inzong guihtheih khamtheih vankham “Ecstasy Pills” kici te RM700,000 manneiding aki matkhiatna mun ahihi. Tuahun inzong innneipa in kathei khakei, innsaap aom hi in, tua innsaap tepen amancipzawh kha 6 bang phakhin hi ci’n genkhia hi.

More: Malaysia, Ipoh ah palik khat thautawh alu pan kikaplum

Tua innneipa pen zanni in Police te’n buluhkhia in amankhia uh ahihi. Inndei sungpanin akimukhia thauvan tepen US-made M61 hand grenade, Smith & Wesson (Magnum) pistol, home-made pistol, 2 silencers, laser shooter, bullet shells, casings cihbang hi in, thautang zong tampitak kihel cih kiza hi. Sawltak #zomidaily